زبانحال جناب رباب (س) در شهادت حضرت علی اصغر (ع)
..
..
حاج احمد احمدی (جوان)
..
..
سینه مون گلشننون بلبل خوشخوانی اوغول
نیه تیز ترک ایلدین صحن گلستانی اوغول
..
..
یاره لی سینمه گلشن دیدیم علت واریدی
دیرناقین یاره لریندن خوش علامت واریدی
حیف اولا سو یرینه سوز حرارت واریدی
منده سن تک سوسوزام نیلوم اوغول جانی اوغول
..
..
اورگدوب کیم سنه بیر بیله منه ناز ایده سن
شایقم نطقه گلوب دردیوی ابراز ایده سن
آچارام قولاریوى قوش کیمی پرواز ایده سن
پر ویروب سیر ایده سن ایندی گلستانی اوغول
..
..
بیر خدنگیله بالا رشتۀ عمرین اوزولوب
وای منه گل بوغازیندان بو نه قاندی سوزولوب
عید اضحادی و یا بوینوا مرجان دوزولوب
رسمیدور زینت ایدللر قوزی قربانی اوغول
..
..
آنان ئولسون بویادی کیم سنی آلقانه بالا
کیم سنی توش ایلدی زهرلی پیکانه بالا
بیلمورم ویردی عدولر سنه سو یا نه بالا
یا سوسوزلیقدان اموبسن دم پیکانی اوغول
..
..
باد ظلمیله بو گون سولدى صفالی چمنیم
سوسوزوندان سارالوب سولدى گل یاسمنیم
على سنسیز داخی گُلمز یوزوم عالمده منیم
نیلورم من داخی سندن صورا دنیانی اوغول
..
..
گل قوجاقیمه قویوم اشگیله مرهم یاروا
آچ گوزین رحم ایله بیر باخ بو بلاکش آناوا
هر باخاندا یانورام قانه باتان قنداقیوا
یاندیروب یاخدی غمین بو دل سوزانی اوغول
..
..
آلدی مندن سنی حسرتله شه ملک حجیز
آنالار ایچره وقاریم چوخالوب اولدوم عزیز
ایندی بیلدیم اوزیمی حضرت زهرایه کنیز
سن ویروبسن منه بو رتبۀ شایانی اوغول
..
..
سهل سانام بالا عطشان قانیوا باتماقیوی
یا گوزوندن بیله بیکس آناوی آتماقیوی
گورمه میشدوم یانورام بیله اوغول یاتماقیوی
آچ گوزون بیرده گوروم دیدۀ شهلانی اوغول
..
..
سنی گورجک بالا قیزلار هاموسی قاچدی چوله
آز قالوردی چوخی وحشتدن او ساعتده ئوله
ئولماقین گر بالا غمدیده رقیّمده بُله
نه دوم گورسه بوغازینده قزل قانی اوغول
..
..
ئولماقین مایۀ فخر اولدی بو خونین جگره
آچموسان باب کرم امّت خیرالبشره
مدرک الده گلرم محکمۀ دادگره
یاندیرار سوز دلیم صحنۀ دیوانی اوغول
..
..
هر او شخصی که اولا مشگلی ایلر سنی یاد
چکمز ال سندن او قدری ایده تا اخذ مراد
گور «جوان» نوکرین ایلور نیه چوخ ناله و داد
ناامید ایتمه آچوب دست تمنانی اوغول
..
..
#اصغریه #احمدی_جوان #اصغریه_شهادت #ترکی #زبدةالاشعار
نظر دهید