میلادیه حضرت خاتم الانبیاء (ص)
.
✍️ #زبدةالاشعار ✍️
.
🆔: @nohe_torki
.
منتظری
.
شاد اول گوگول که سندی قانون کفر و ذلّت
بیر پاک سیرتیله دوندی مسیر سیرت
تک خالقه عبادت اوثاندن برائت
به به نه خوش خبردی حق اهلنه بشارت
صلّ علی محمّد و عترت محمّد
.
.
نوری که سابقیدی پیدایش جهاندان
گسب کمال ایدردی انوار لامکاندان
اذن طلوعِن آلدی خلّاق مهرباندان
ایتدی جهانی روشن تابنده شمس عزّت
صلّ علی محمّد و عترت محمّد
.
.
ایجاده شامل اولدی احسان لایزالی
گوندردی یر اوزینه بیر رهنمای عالی
ویرسون نشان جهاندا خلقه ره ِکمالی
تا ایتمیه خلایقه جز خالقه عبادت
صلّ علی محمّد و عترت محمّد
.
.
سالموشدی درک و عقلی شیطان ایله کمنده
مردم اوزون بیلردی لات و مَناته بنده
قیزلاری دفن ایدردی اعراب زنده زنده
یتموشدی گور نه حدّه انسانِده جهالت
صلّ علی محمّد و عترت محمّد
.
.
دوشموشدی غافل، انسان بیگانه فطرتیندن
آگاه ایدن یوخیدی حُسن مزیَّتیندن
شیطانی شاد ایدردی ظلم وجنا یتیندن
تعطیلِدی عموماً وجدان وعقل و رفعت
صلّ علی محمّد و عترت محمّد
.
.
هرگز امان یوخیدی دنیاده شور وشردن
بهره آلاردی بیحد زور اهلی زوروزردن
چیخموشدی جاهل انسان ماهیَّت بشردن
اولموشدی چوخ فراوان ایزا و قتل وغارت
صلّ علی محمّد و عترت محمّد
.
.
دوشموشدی آدمیّت جسمی داخی نفسدن
هریرده کام آلاردی هربوالهوس هوسدن
وقریله خارج اولدی مرغ سحر قفسدن
اُمّ القُراده اسدی طرفه نسیم رحمت
صلّ علی محمّد و عترت محمّد
.
.
نور هدایتیله محو اولدی رَذل و پستی
تحت الشّعاده قالدی قانون بت پرستی
فرمان نهضت الده پیغمبر اَلَستی
قویدی قدم جهانه تاپدی جهان شرافت
صلّ علی محمّد و عترت محمّد
.
.
عبدو رسول سرمد مخلوقیده سر آمد
ﺷﺄنی اوجا ملکدن گوگلرده آدی احمد
عالملرون امیدی ختم رُسُل محمّد
بابُ النّجات الامّه بنیانگذار وحدت
صلّ علی محمّد و عترت محمّد
.
.
یاز ( منتظِر ) کتابه اشعار مخلصانه
تبریک دی بو عیدی مولای مهربانه
یعنی جناب مهدی اُول حجّت زمانه
عجّل علی ظهورک عرض ایله با ارادت
صلّ علی محمّد و عترت محمّد
.
.
.
#17ربیع_منتظری #پیامبراسلام
#شاد_اول_گوگول_که_سندی_قانون_کفر_و_ذلت
#ترکی
.
✍️ #زبدةالاشعار ✍️
.
🆔: @nohe_torki
نظر دهید