زبانحال حضرت زینب سلام الله علیها در حال احتضار
.
✍️زبدة الاشعار✍️
.
🆔: @nohe_torki
.
حاج مهدی ملکی زنجانی
.
.
سبک: ای شاه مظلومان حسین … آی قارداشیم آی قارداشیم …
.
.
شاماتیده جان اوسته یم
فریاده گل قارداش حسین
یول گوزلورم جان ویرمه میش
امداده گل قارداش حسین
ای پادشاه کربلا
زینب سنه اولسون فدا
.
.
غربت مکاندا زینبون جان اوسته دی ای باوفا
جان اوسته من جان ویرمه گین یاد ایلرم ای مه لقا
من دادیوه گلدیم سنون گنجینه ی صدق وصفا
سنده منی یاد ایتگلن آزا ده گل قارداش حسین
.
.
.
باجون نقدری گوز یولا تیکسین نقدری آغلاسون
ای وای دیوب بوردا حسین باشینه قاره باغلاسین
شاماتیده ای باوفا غملرده سینه داغلاسین
یول گوزلوری زینب باجون سن داده گل قارداش حسین
.
.
.
ای شهریار محتشم جانیم چیخیر جان اوسته یم
یوخ بیر کسیم شاماتیده قارداش حسین گل خسته یم
من عاشقم رخساریوه من عشقیوه دلبسته یم
ای پادشاه بی قوشون چوخ ساده گل قارداش حسین
.
.
.
من قویمادوم تنها قالا اوچ سنی ده یاریم منیم
اولدی رقیه شامیده اول یار دلداریم منیم
جان ویردی غر بتده قیزین خشک اولدی گلزاریم منیم
آغلار بو غمده فاطمه معناده گل قارداش حسین
.
.
.
نازلی رقیمله منیم همسایه اولسون مدفنیم
بوشهریده چوخ ظلملر گوردی اودلداریم منیم
قسمت بویمیش شهر شام آخر اولیموش مسکنیم
کشتی عمروم غرق اولور دریاده گل قارداش حسین
.
.
.
گل باشیمه سال سایه سن جان اوسته یم ای باوقار
غرق غمم بوشهریده چوخ چکمیشم من انتظار
ای پادشاه نینوا ای عالمینه افتخار
ای کنز حقین کوهری دنیاده گل قارداش حسین
.
.
من جان ویرن وقته حسین جان یادیمه زهرا دوشوب
جنتده شاه لا فتی بیرده بابام طاها دوشوب
لب تشنه نهر اوسته اوزون قول قارداشیم سقا دوشوب
یول گوزلورم شاید گله سقاده گل قارداش حسین
.
.
.
بیر پارچا قان اولدی منیم قلبیم حسین سندن صورا
گوردوم سنین جان ویرمه گین قلبیم اولوب قارداش یارا
شا ماته تک غربت هارا زینب کیمی بیکس هارا
غربت مکاندا اولموشام افتاده گل قارداش حسین
.
.
قارداش او لوبدی سینمه زینت بو کوینک مطلقا
زهرا آنام عطری گلور بو اوخلی کوینکدن اخا
سینمده دایم ساخلادیم تا قلبیمه نسکین اولا
بیکس باجون شاماتیده سال یاده گل قارداش حسین
.
.
.
شاماتیده قالماز قیزین بوندانصورا تنها حسین
اول غنچه تک پر پر اولان اوچ سینیده زهرا حسین
جان ویردی غربت شهریده تا دین اولا احیاء حسین
گلموش باشم اوسته آنام زهراده گل قارداش حسین
.
.
.
ای مهدی یازدون زینب کبرا آدین سن دفتره
چوخ گوردی طول عمرده دنیاده غملی منظره
تکرار ایله سر بیتیوی صبح و مسا سال دللر
شاماتیده جان اوسته یم فریاده گل قارداش حسین
.
.
.
.
.
#سبک_ای_شاه_مظلومان_حسین ( 5 سبک سینه و زنجیر)
.
.
#زینبیه_شهادت
#شاماتیده_جان_اوسته_یم_فریاده_گل_قارداش_حسین
#ملکی_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید