زبدةالاشعار

شامدن بلالی باجون گلدی کربلایه قارداش #اربعین_احمدیان_خسروشاهی

اربعین
زبانحال حضرت زینب کبری سلام الله علیها

.
✍️ #زبدةالاشعار ✍️
.
🆔: @nohe_torki
.
احمدیان خسروشاهی
.
شامدن بلالی باجون گلدی کربلایه قارداش
گلمدی قیزون رقیه قبروه عزایه قارداش
.
.
ظلم الیله آیری دوشدی بلبلون سولان گلیندن
زینبونده آیری دوشدی پر شکسته بلبلیندن
چوخدی نسگلی ئولونجه دویمادیم شیرین دیلیندن
آغلادی همیشه گلدی، نی کیمی نوایه قارداش
.
.
سینه ن اوسته ناز ائدن قیز دستگیر دشمن اولدی
سندن آیریلان زماندان شغلی داد و شیون اولدی
گوشه ی خرابه آخر اول یتیمه مدفن اولدی
فرقتی مؤثر اولدی، آل مصطفایه قارداش
.
.
هر گئجه گونوز دیردی وای بابا خرابه یرده
من دیردیم ائتمه ناله گل بو سینه م اوسته بیرده
غملو گوگلیمی گتوردی محنت رقیه درده
ایلرم ئولونجه ناله، من او مه لقایه قارداش
.
.
ناله ده او باغریقان تک خوش ترانه بلبل اولماز
دوزدی گل سولار چمنده ایله بیر سولان گل اولماز
عمه سی ئولیدی ای کاش ایله بیر شیرین دل اولماز
اوچ یاشیندا خوردا بیر قیز، دوزدی هر بلایه قارداش
.
.
ایله بیر ادبلی بیر قیز گورمیوب بو چشم دنیا
گیزلدوردی ابتلاسین من آجام دئمزدی اصلا
اکبرین آدین دلیندن سالمادی ئولونجه اما
آغلیوبدی قارداشیندان، ائتمدی گلایه قارداش
.
.
حالینی او دلفکارین بیرجه ئوز خداسی بولدی
ناله دن نه اولدی آرام شاد اولوب نه بیرجه گولدی
عرض ائدنمرم حسینیم سویگلون آجیندان ئولدی
گل جنازه سین حرملر آلدیلار آرایه قارداش
.
.
غسل وئرمیشم برادر من ئوزوم او گل عذاره
سن کیمی کفن سیز ئولدی شامده او بخت قاره
کوینگین کفن ائدوب من قویموشام اونی مزاره
دفن ائدنده دود آهیم، اوج ائدوب سمایه قارداش
.
.
نوحه یاز ای «احمدیان»، بی ریا ئولونجه آغلا
دامن حسینی صدقاً، دوت اجل گلینجه آغلا
قارداشا دوباره عرض ائت، باجینون دیلینجه آغلا
گلمدی قیزون رقیه، قبریوه عزایه قارداش
.
.

متن پیشنهادی:  جان پیمبر قیزی معصومه دی #حضرت_معصومه_اکبر_پورآقا

.
#اربعین_احمدیان_خسروشاهی
#شامدن_بلالی_باجون_گلدی_کربلایه_قارداش
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی