اربعین
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
مشابه
.
.
مرحوم تائب تبریزی
.
شامه تک قارداش گئدوب ترویج دینه گلمیشم
الده قانلی کوینگون بو اربعینه گلمیشم
من اربعینه گلمیشم
.
.
ایندی کی بیگانه یوخدور الده وار فرصت منه
دلدن اودلانام حسین باخدوقجا بو پیراهنه
عطرون آلام کوینگوندن آغلارام قارداش سنه
همدم اولموش ناله بو زار و حزینه گلمیشم
.
.
نسگلون قارداش دئمه دلدن فراموش ایلرم
کوینگون تا وار حیاتیم زیب آغوش ایلرم
آغلارام سوز دل سوزانی خاموش ایلرم
ورد اولوب وای قارداشیم بو دل غمینه گلمیشم
.
.
خود سری بیر اربعین ترک ائتمیوب زینب سنی
قبرون اوسته وئرمیوب فرصت گلم قوم دنی
بو یوبانماقدا ئوزون معذور دوت قارداش منی
ایندی من فرصت تاپوب بو سرزمینه گلمیشم
.
.
تیر حسرت سینۀ مجروحیمی شان شان ائدوب
کوچ ایدن اوضاعیمیز دل صبریمی تالان ائدوب
دشمن اطفالون سوار ناقۀ عریان ائدوب
گه دوشوب یولدا رقیّه گه سکینه گلمیشم
.
.
کوفه ده گوردوم باشون گلدی جدا اوسته دیله
صبریمی آلدی الیمدن حسرت آرتوردی دله
شوره گلدیم باشیمی ویردوم ستون محمله
من اولوب باشدان سنیله هم قرینه گلمیشم
.
.
چوخ جفا و ظلم گوردوم کوفه و شاماتیده
بنددیدوخ روز روشنده شب ظلماتیده
خارجی فرض ائتدیلر دروازۀ ساعاتیده
دوزموشوم جور و جفای اهل کینه گلمیشم
.
.
نیزه باشوندا ائدردون خلقه تبلیغاتیوی
بیر عجوزه غرفه دن گورجک او معلوماتیوی
آتدی بیر داش قویدی قارداش دیلده حق آیاتیوی
قلبیمی ایلوب یارالی اول لعینه گلمیشم
.
.
شامیده ویرمزدی بیر کس حقّه ناحقدن تمیز
چکدیلر بزم یزیده بیزلری اهل ستیز
ایستدی عصمتلی قیزلاردان بیرین شامه کنیز
گوزلریمدن قان آخوب اشکیم یرینه گلمیشم
.
.
محضره اهلین یزید کینه بنیاد ایستدی
زینبوندن شُرب بزمینده آلا داد ایستدی
قصد قتلیمله همان مجلسده جلاد ایستدی
بیر نچه یرده دوشوب جلّاد الینه گلمیشم
.
.
چوخ دولاندوخ شامیده قورتولدی طیّ راهیمیز
کوچه و بازاری گزدوخ دلده سوز آهیمیز
اولدی بیر ویرانه یر آخر نشیمن گاهیمیز
سرپرستم جمع ویرانه نشینه گلمیشم
.
.
قبرون اوسته شامدن گلدی بو پوزقون کاروان
گلمدی بو اربعینه حیف بیر نازلی بالان
فرقتونده آغلادی وئردی خرابه یرده جان
قازمیشام مدفن ئوزوم اول نازنینه گلمیشم
.
.
سن رقیّه قالماقوندان ایلمه مندن گِله
یوخ قصوریم ذرّه جه تقدیر ایشی سالدی بئله
ویرمدی مهلت اجل منله او شیرین دل گله
اودلانوب دلدن او طفلین نسگلینه گلمیشم
.
.
«تائبین» قلبی اولوب پاره شها تاپماز رفو
دم به دم آغلار توکر اشکین عذاره جو به جو
ایسته گلسون قبریوه چوخداندی ایلر آرزو
سسلنه بو قبلۀ اهل یقینه گلمیشم
#اربعین_تائب_تبریزی
#شامه_تک_قارداش_گئدوب_ترویج_دینه_گلمیشم
#ترکی
.
#زبدةالاشعار
.
: @nohe_torki
نظر دهید