شامیدن باجون اربعینوه الده قاره پرچم گلوب حسین #اربعین_حسینی_زنجانی

اربعین
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
حسینی زنجانی
..
..
..
..
شامیدن باجون اربعینوه
الده قاره پرچم گلوب حسین
قورماقا سنه غملی زینبون
بزم شور و ماتم گلوب حسین
..
..
..
..
کربلاده سندن صورا بیزه
چوخ جفا بو قوم شریر ایدوب
اود وروبدی اخیامه کوفیان
اهل بیتوی دستگیر ایدوب
ظلمیله بنات پیمبری
شمر سفله پرور اسیر ایدوب
اولمیوبدی رحم ایلین بیزه
تنگه اودلی سینم گلوب حسین
..
..
..
..
باغلانوبدی قارداش حرملرون
ظلم الیله بوچولده قول قولا
قتلگهدن آیریلدی زلفنی
داغ دیده قیزلار یولا یولا
دست بسته عریان کجاوه ده
دوشدی آهوان حرم یولا
باش آچوب او ساعتده شیونه
هاجریله مریم گلوب حسین
..
..
..
..
آغلیاندا یولاردا باغرى قان
قیزلاری حسین ساربان وروب
ناقه اوسته اوغلی ئولنلری
قمچی الده شمر و سنان وررب
شامه تک گوزوندن ایراق بیزی
کوفیان وروب شامیان وروب
اوج ایدوبدی افلاکه ناله میز
آه و داده عالم گلوب حسین
..
..
..
..
پیشوازه چیخموشدی کوفه ده
اللرینده دف کوفیان بیزه
رقص ایدوب تماشا ایدردیلر
اللری حنالی زنان بیزه
گه گولردیلر گه وراردیلار
طعنه ایله زخم زبان بیزه
کوفه محنتی هر مصیبت و
رنج و غمدن اعظم گلوب حسین
..
..
..
..
نیزه ده گورنده آخور باشین
تازه قانی ، قان اولدی گوزیاشیم
بیلمورم نه ئوز ویردی سسلدیم
جان یارالی وای نازلی قارداشیم
باشیمی وروب منده چوبۀ
محمله یاریلدی حسین باشیم
چشم زینبه روز روشن اول
وقته لیل مظلم گلوب حسین
..
..
..
..
بزم شوم ابن زیاده اول
حالیه بو غرق محن گیدوب
گوزده گوزیاشی دیلده ذکر حق
باشدا یاره قولدا رسن گیدوب
لرزه سالماقا کاخ دشمنه
شیر حق قیزی شیر زن گیدوب
منطقیله زینب وروبدی اول
کاخ ظلمی برهم گلوب حسین
..
..
..
..
کوفه نون ایدوب رنج و محنتی
بو بلاکشی زار و دیده تر
کوفه دن اسیر بلا باجون
ایلیوب دمشقه طرف سفر
تا یتینجه شامه حسین چکوب
یولدا چوخ مصیبت بو خونجگر
غملرینون اوستن بو بیکسین
هر قدمده مین غم گلوب حسین
..
..
..
..
بیر خرابه منزلده شامیده
اهل بیتوه ویردیلر مکان
فرشی قاره توپراق چراغی یوخ
نه واریدی بیر سقف و سایه بان
میهمان پیمبر بالالاری
زجر و خولی و شمر میزبان
ظلمیده یقین اهل کوفه دن
شامیان مقدّم گلوب حسین
..
..
..
..
آغلیوب رقیّن گیجه گونوز
باغری اولدى آلقان خرابه ده
هی دیدی بی بی گلمدی بابام
ایلیوبدی افغان خرابه ده
باشیوی آلوبدی قوجاقینه
رام اولوب ویروب جان خرابه ده
ایلیوب رقیّن غمی باجون
زینبین قدین خم گلوب حسین
..
..
..
..
بختیمون سهیلی خرابه ده
غم هلالی تک باتدی گلمدی
خوردا بیر مزار ایچره گل یوزون
قویدی توپراقا یاتدی گلمدی
بیلمورم گوزیندن ندن بو غم
آشناسینی آتدی گلمدی
دور باجون خجل ایندی قبریوین
اوسته چشمی پر نم گلوب حسین
..
..
..
..
حسرتیله باخدیم خرابیه
شامیدن حسین آیریلان زمان
باش آچوب رقیّه مزارینون
اوسته آغلادیم باغریم اولدی قان
جمع ایدوب بالالاری باشیمه
بیر به بیر سایوب ایلدیم فغان
هر قدر سایوب گوردوم عاقبت
قیزلارین بیری کم گلوب حسین
..
..
..
..
#اربعین #حسینی_زنجانی #ترکی #زبدةالاشعار