خروج از مدینه
زبانحال امام حسین (ع) با حضرت صغری (س)
سوال و جواب
.
.
مرحوم دخیل
.
.
حضرت امام حسین تشریف گتوروب او بیماری وداع ائلسون
وارد اولدی او بیمارون حجره سینه گوردی او بیمارون رنگ مبارکی سارالوب
باشین آلدی دیزی اوسته بویوردی:
.
گل ای مدینه ده اسلام آرا غریب قزیم
علیل و خسته و بیمار بی حبیب قزیم
.
///جناب فاطمه عرض ایلدى///
.
عجب عجب من بیماری یاد ایدوبسن آتا
منی مشرف ایدوبسن که خوش گلوبسن آتا
.
وفات ایدوبدی آنام دوشمشم آتا گوزدن
یوزیمه قوی یوزوی بیر اؤپوم او گل یوزدن
.
.
یاا بتا سبب ندور منی گورنده آغلادون بیله بیلورم من بو مرضدن شفا تاپمیاجاقام
اگر فی الواقع بیله دور خوشا منیم احوالیمه سنون کیمی آتام وار باشیمی دیز اوسته آلوبسان
.
این جان که امانت است اندر تن زار
بهتر که بود نثار اندر بر یار
.
بو فخر بسدی منه گرئولم من مسکین
قویاندا قبره علی اکبریم اوخور تلقین
.
بوفخر بسدی منه گر ئولم بدرد و تعب
عزا دوتار منه آغلار خانم بیبیم زینب
.
بو فخر بسدی منه گر بولم او اشرف ناس
جنازه می گوتورر چیگنینه عموم عباس
.
.
حضرت بویوردی نور دیده بیله دگل که خیال ایلوسن بلکه منیم ایچون بو سفرده اتفاق دوشوب سندن آیریلورام
او بیمار خانم جناب سیدالشهداعلیه السّلامدن بوسوزی ایشیدنده بیر آه چکوب عرض ایلدی
.
ای دل خون شده از مرگ تو آمد خبری
خبر آمد که شده یار جفاجو سفری
.
درد هجران بود از درد درون مشکلتر
تب دردی نبود چون تب سوز جگری
.
عرض ایلدی بابا واقعه گورموشم تعبیر ندی حضرت بویوردی نه واقعه گوروبسن عرض ایلدی گچن گجه آنامی واقعه ده گوردوم آنامیلا رازونیاز و اظهار راز ایلوردوم دردیمی آنامه دیوردوم
.
یوزومه باخدی آنام چکدی آه قیلدی نوا
دیدی که تازه غمین فاطمه مبارک اولا
.
یوخوم دوغرى اولدی بابا هارا گیدرسن اوزون بیلورسن که آنام یوخدور اگر سنده گیدیرسن بس منی کیمه تاپشورورسان بابا آناسیز قیزوام و بیمارم اگر منی هر کیمه تاپشورسان سنون یرین ویرمز نه عمّه لریم نه باجی لاریم نه قارداشلاریم ایندی که گیدورسن منیم نه پرستاریم وار نه غمخواریم
.
///حضرت صغری///
اگر من ئولسم آتا بس کیموم گلر یاسه
گل ایندی سن منی تاپشور وفالی عباسه
.
///امام حسین///
زمین ماریه ده صف چکنده انصاریم
اولور او دشتده عباس عمون علمداریم
.
///حضرت صغری///
اگر عموم گیدر اولسا آتا به صد زاری
علی اکبره تاپشور من دل افکاری
.
فدا اولوم سنه ای پادشاه یوم نشور
من آناسیزی گل باری زینبه تاپشور
.
///امام حسین///
گرک اونی آپارام راحت روانیمدور
دیار کرببلاده او نوحه خوانیمدور
.
گویا حضرت بویوردی نور دیده هامی قارداشلارون و عمّه لرون و باجیلارون آپارورام فاطمه عرض ایلدی بابا مگر سنون آیریلقون بس دگل عمّم زینب که منه آنا یرینده دور منی عمّه مدن آیرورسان
یا ابتا منی باجیم سکینیه تاپشور هرگون منیم الیمدن دوتسون آپارسون پیغمبر روضه سینه تاسنی و عمّه لریمی و قارداشلاریمی و باجیلاریمی دعا ایلیوم حضرت بویوردی نور دیده اونودا آپاراجاقام
.
///حضرت صغری///
فدا اولوم سنه ای پادشاه یوم نشور
چاقور سکینه نی من بیکسی اونا تاپشور
.
///امام حسین///
دیار کرببلاده سنان سفینم دور
او گل بالالاریمون بلبلی سکینم دور
.
مکدّر ایتمه منی ای ایکی گوزومده کی نور
سکینه نی آناسندان نجه آیرماق اولور
.
///حضرت صغری///
سرشگ دیده چو راز نهانیم ایلدی فاش
سکینه مثلی منیمده آنام اولیدی کاش
.
آنام ئولوبدی ذلیل اولموشام من کول باش
آپار یانونجا منی ویر سکینیه قره واش
.
به گریه گفت که ای نورچشم پیغمبر
تمام اهل حرم را تو میبری به سفر
.
چه واقعست که باید مرا جدا سازی
میانۀ گل و بلبل جدائی اندازی
.
مگر پدر که کسی را نباشدش مادر
شود ذلیل بیندازدش پدر ز نظر
.
اگر اجل برسد در زمان بیماری
که میکند به من خسته دل پرستاری
.
مرا ببر که به قربان اصغرت گردم
فدای قامت دلجوی اکبرت گردم
.
حضرت اوبیماری باسوب باغرینا آغلیا آغلیا بویوردی نور دیده سن ناخوشسان طاقت
سفر یوخوندور اوّل سنی اللهه و ثانی ام السلمیه تاپشورارام فاطمه عرض ایلدی باباجان
.
خوشا بحال سکینه که با تو همراه است
زچیست دست من از دامن تو کوتاه است
.
مرا چگونه به زنجیر هجر میبندی
مگر قبول نداری مرا به فرزندی
.
.
.
.
.
#خروج_مدینه #دخیل
#گل_ای_مدینه_ده_اسلام_آرا_غریب_قزیم
#ترکی
#زبدةالاشعار
نظر دهید