شامیدن گلدیم سنه مهمان حسین #اربعین_بیدقداری

اربعین
.
#زبدةالاشعار
.
: @nohe_torki
.
حاج داود بیدق داری
.
شامیدن گلدیم سنه مهمان حسین
توزلی قبره زینبون قربان حسین
.
گرچه دیلده یوز ملالیم وارحسین
سندن اما بیر سوالیم وارحسین
.
صبر یوخدور تا دوزم بو مطلبه
یاره لردن بیر خبر وئر زینبه
.
قلبیمه نار فراقون اود سالیب
یاره لر درمان اولوبدور یا قالیب؟
.
قوی دئیوم اهل جفا سندن صورا
چکدیلر بو زینبی هاردان هارا
.
شاهدیمدور وعده گاه کربلا
آچدی ال یغمایه قوم بی حیا
.
دوندی بو یئرعرصه گاه محشره
حایل اولدم قیزلاریلا لشگره
.
چوخ دیدیم مال ایسته سوز یوخدورسوزوم
مال دنیاده منیم یوخدور گوزوم
.
در عوض مردانه رفتار ایلیون
ویرمیون قیزلاریمی عار ایلیون
.
ائتمیوبلر اعتنا گفتاریمه
اود وروبلار عرصۀ گلزاریمه
.
غارت اولدی خیمه لر یاندی حسین
ناله یئردن عرشه قوزاندی حسین
.
گون ده یاندی یئرده کی اولدوزلارا
ساربان اولدی نگهبان قیزلارا
.
جام انسانیتی سندیردیلار
آغلیان قیزلاریوی چوخ وردیلار
.
من ولی مردانه رفتار ائتمیشم
دشمنین روشن گونون تار ائتمیشم
.
کوفه ده بیر خطبه ایراد ایلدیم
دین ایوین دنیاده آباد ایلدیم
.
وئرمیشم سجادیله من ال اله
سالمشام کاخ یزیده ولوله
.
قالدی بیرقیزشامیده اماحسین
ایلدی گوزیاشیمی دریا حسین
.
گلدی تاباشون خرابه منزله
بلبل باغ ارم گلدی دیله
.
عرض ائدیب آرزیم گلیب بابا اله
سن دعا ایله رقیونده ئوله
.
شمعیده یاندی اونا پروانه ده
ئولدی حسرت گوشۀ ویرانه ده
.
.
#اربعین_بیدقداری
#شامیدن_گلدیم_سنه_مهمان_حسین
#ترکی
.
#زبدةالاشعار
.
: @nohe_torki