زبدةالاشعار

شامیده جان اوستیم فریاده گل قارداش حسین #زینبیه_محمدحسین_خلیل_نژاد

زبانحال حضرت زینب (س)
.
.
✍️ زبدة الاشعار ✍️
.
🆔: @nohe_torki
.
#محمدحسین_خلیل_نژاد
.
شامیده جان اوستیم فریاده گل قارداش حسین
باشیم اوسته یوخ کسیم امداده گل قارداش حسین
.
.
گوزلریم یولدا قالوب ای پادشاه کربلا
گل عنایت ائتگیلن بو سون نفسده سن اخا
بیر اوخی قرآن حجازی لحنیلن ای با وفا
قویما قالسون حسرتیم دنیاده گل قارداش حسین
.
.
قلبیمی درد و مصیبت چولقیوب قارداش گینه
ایله بیر قرآن تلاوت ای شه خوبان منه
احتیاجیم وار حسین جان آخرین دمده سنه
قویما چوخ اولسون باجون افتاده گل قارداش حسین
.
.
شهر غربتده گوزوم جان اوسته قارداش آختارور
گوزلریم قان یاش توکور معناده یولداش آختارور
هی مجسم دور نظرده بیر کسیک باش آختارور
اول گئچن گونلر دوشور چوخ یاده گل قارداش حسین
.
.
ای آنام اوغلی عنایت ایتگلن آمالیمه
گل نظر قیل بیرده قارداش بو پریشان حالیمه
اول خبردار آغلار آخر سنده بیر احوالیمه
آغلیان یوخدور منه معناده گل قارداش حسین
.
.
رسم عالمدور سوور معناده قارداش باجینی
یادینه دائم سالار دنیاده قارداش باجینی
راضی اولماز هئچ اولا افتاده قارداش باجینی
اولموشام جان ویرماقا آماده گل قارداش حسین
.
.
مدتی عمرومده قارداش من سنه وابستیم
گورموشم بی حد جفالر عمریده چوخ خستیم
ایندی گل بالینیمه بو شامیده جان اوستیم
ویر اقلّاً تسلیت سجاده گل قارداش حسین
.
.
بیرده ویر قارداش خبر قارداشیم اوغلی قاسمه
نهر علقمده یاتان اول با وفا عباسیمه
امر ایله گلسونلر با هم آل حیدر یاسیمه
افتخار اولسون منه دنیاده گل قارداش حسین
.
.
زینبین سندن صورا گلمز گمانی بی کسه
التماس ایتمز جهاندا سن بلورسن هر کسه
ایمیوب عمرینده باش الله بولور هر ناکسه
شاهدیمدی خالق یکتاده گل قارداش حسین
.
.
سون نفسده ایستوری گوگلوم حسینیم اصغری
تئز یتور بالینیمه شهزاده اوغلون اکبری
بیر گوروم جان اوسته من آئینه پیغمبری
عزّتیم دور بو ایکی شهزاده گل قارداش حسین
.
.
من ئولونجه عطریوی بو کوینگوندن آلموشام
یانیمه گلسن گوررسن سینم اوسته سالموشام
آند اولا زهرایه قارداش اوزگه حاله قالموشام
آغلیوب احوالیمه زهراده گل قارداش حسین
.
.
آدوی قارداش سنون بیر آن دیلدن سالمادیم
طالب دنیا اولوب بیر لحظه من تولانمادیم
حقّیدن یتدیم دفاع کفر اهلینه آلانمادیم
قالدی حیران عشقیمه اعداه گل قارداش حسین
.
.
من «خلیل نژاده» قیلام هر ایکی دنیا نظر
ایسترم خلاقیدن تا دفع اولا بوندان خطر
مشگلاتی حل اولوب آزاده دنیاده گزر
سنده قیل لطف و کرم عقباده گل قارداش حسین
.
#سبک_زینبم_جان_اوستیم … 4 سبک
.
#زینبیه_شهادت
#شامیده_جان_اوستیم_فریاده_گل_قارداش_حسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  خولی نه حسینون باشینی خوار آپاروردی #تنورخولی_حسین_ساکت

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی