راه شام
.
✍️ زبدة الاشعار ✍️
.
?: @nohe_torki
.
شاعر ؟؟؟
.
شامین یولوندا لعنت اولا ساربانلارا
یردن فغانی قوزادیلار آسمانلارا
.
عریان کجاوه لرده حسینین بالالارین
توش ایله میشدیلر ستم جان ستانلار
.
قارداشلاری ئولن باجیلار گوزده گوزیاشی
قارداشلارین باشی دوزولوبلر سنانلارا
.
ممنوع ائدیبدی آغلاماقی کوفه حاکمی
تنبیه واردی یولدا نوا و فغانلارا
.
قمچیلرین سسینه شتاباندی ناقه لر
وحشت دوشوب کجاوه ده کی خسته جانلارا
.
بیر خردا قیز سکوتی تحمل ائدنمدی
جانین سپر دوتوب اوجادان آغلییانلارا
.
سسلندی لای لای ای بوغازی اوخلی اصغریم
اولدون هدف خدنگلره کج گمانلارا
.
دیل آچمادین گئدنده خداحافظ ائتمگه
قان آغلارام ئولونجه بو درد نهانلارا
.
منزللرین بیرینده عوض آچدی ساربان
سالدی کجاوه دن او بلالی مکانلارا
.
غش ائتدی گوئیا بی بی سین سسلینمدی
اول غم اوتورمیاندی بوناقص بیانلارا
.
ناگه اویاندی گوردی گئدیب غملی قافله
باخدی بلا چولونده فضای خزانلارا
.
بلبل نجه گولون سیخیلار سایه گاهینه
اوندان بتر سیخیلدی خطرلی تیکانلارا
.
دوتقون سسیله ائتدی توسل باباسینا
تاثیر ائدیب توسلی اول مهربانلارا
.
قانلی باشی جداده دایاندی باباسینین
قانی قاریشدی گوزده سرشک روانلارا
.
یعنی باجی بالالاریمی سای کجاوه ده
ایله نظاره قافله ده غم نشانلارا
.
بیربیر بالالارین آدینی سسلدی خانم
آمارگیره باخ پی آپار آرمانلارا
.
بیر خردا قیز سسین ائشیده بیلمدی ولی
رعشه دوشوب یول اوسته تن ناتوانلارا
.
لنگ اولدی کاروان دئدیلر زجری یولویون
مامور منتسبدی بو یولدا قالانلارا
.
بیلدی اوشاقدی یولدا قالان غیضه گلدی زجر
تهدید ائدیبدی ظلم وجفا ی گرانلارا
.
بیر وعده گوردولر گتورور بیر یتیمه قیز
اما دچار اولوب ستم بی امانلارا
.
رخسارینه قویوب بیر الین چوخ گلایه لی
بومنظره مؤثر اولوب ناگرانلارا
.
پشوازینه توکولدوله بیر بیر قطاریدن
غرق ائتدیلر او دشتی نوا و فغانلارا
.
گلدی او قیز دولاندی جدا ساخلییان باشا
بیر سوز دئدی سرشکلری قاتدی قانلارا
.
عرض ایلدی بابا سنون عشقین اسیریم
آمادیم یولوندا چتین امتحانلارا
.
یا گل اشاقه یا منیده نیزیه چیخارت
سیر ایلیک مدینه ده گچمیش زمانلارا
.
قلبیمده چوخ خصوصی سوزوم وار دیینمیرم
یوخ اعتماد کناریده کی بد گمانلارا
.
.
#راه_شام
#شامین_یولوندا_لعنت_اولا_ساربانلارا
#لاادری
#ترکی
.
✍️ #زبدةالاشعار ✍️
.
?: @nohe_torki
نظر دهید