شان و اجلال انبیا زینب #زینبیه_محمد_وهابزاده

در تعاریف حضرت زینب سلام الله علیها
.
.
.
محمد وهابزاده
.
شان و اجلال انبیا زینب
نور چشمان اولیا زینب
.
خلقتینده قویوبدی سنگ تمام
نقش نقاشِ هَل اتی زینب
.
چکدی نقش آفرین گوزل تصویر
حُسنیده بی مثال و تا زینب
.
صبر و منطق شجاعت و غیرت
جمعیدور سنده؛ هاکذا ؛ زینب
.
دامن فاطمه سنون مَهدون
تربیت تاپدی پُر بها زینب
.
خلقتوندن ازل هدف یازیلوب
شرکت نهضت بلا زینب
.
سن قیامت گونینده شافعه سن
شیعیه یوم ابتلا زینب
.
گون سایوب اللی یدی ایل چاتدی
ائتدی پیمانینه وفا زینب
.
چاتدی بیر گون یاریم گون عرضینده
قامتی اولدی انحنا زینب
.
ساچلارین ایلیوبدی آغشته
اصغرین قانینه حنا زینب
.
.
.
اولماسا اذنی قاللام آواره
چاره سیز عالمه ائدور چاره
.
.
.
زینب ای شمع عشقه پروانه
باش یاروب محمل اوسته جانانه
.
عالم ذرده قارداشونلا حسین
باده ایچدون نقدری مستانه
.
فکر پیمان باشوندا شور انگیز
گوزل ائتدون عمل بوپیمانه
.
سالکان طریق عشق و جنون
گوزلیور آد یازا دبستانه
.
گوزی دهرین هاچان گوره مرشد
سن کیمی پیر دِیر فرزانه
.
عزّ و اجلالی خالق ملکوت
سندن آلمیش وئروب سلیمانه
.
خلق اولان گون گوز آچمادون بیرینه
تا گوز آچدون شه شهیدانه
.
وحی ائوینده اولوبسان علّامه
افسر اولدون ضمیر قرآنه
.
گِئتدی زهرا سارالدی گل چمنون
گئنه ائو دوندی بیت الاحزانه
.
بعدِ زهرا علی غریب اولدی
مونس اولدون او غملی سلطانه
.
.
.
باعث افتخار حیدر سن
خبره سن سن،وفانی از بر سن
.
.
.
صبریده عشقیدن عَلَم وردون
فاسدین اسمینه قلم وردون
.
گلشن عشقی لاله زار ائلدون
جادۀ عشقیده قدم وردون
.
فاسقین دورین ایلدون باطل
ظلم کابینه سین به هم وردون
.
دین مسیرین چکن فساده طرف
آغزینا ضربه دم به دم وردون
.
ایلدون ضربِ سکۀ دینی
اوستونه نقشۀ حرم وردون
.
دادِ مظلومَ چاتدون هر یرده
عدل و انصافیدن رقم وردون
.
ابن مرجانه نون آدین پوزدون
نقشۀ شومینه عدم وردون
.
زنده بادا حسین شعارون اولوب
مرگ بر هنده متهم وردون
.
کنج ویرانۀ بلاده خانم
بیرق حقی محتشم وردون
.
آج سوسوز تا رقیه جان وئردی
ایکی اَل باشه هر قدم وردون
.
او گئجه عرشه ولوله سالدون
سیلی ردیله پیچ و خم وردون
.
بیلمورم نازلی قیز نه حاله قالوب
قانلی باشی نئجه قوجاقه آلوب
.
.