جناب حرّ
.
✍️ زبدة الاشعار ✍️
?: @nohe_torki
.
کریمی مراغه ای
.
یا حسین بو آستانه، سائلم عطایه گلدیم
ائتدیگیم جسارتیمدن، عذر و التجایه گلدیم
.
حرِّ مضطرّم ریاحی، قومینه من افتخارم
عرصهیِ مبارزاتدا، بیر رشید نامدارم
چوخ خطا بو نوکروندن، باش وئریبدی شرمسارم
بیر قاچان قولام قییتدیم، پوزش خطایه گلدیم
.
بیر بویوک خطایه اولدوم، مرتکب کسیلدی چارهم
گل اوزون آغالیق ائیله، نادمم گناهکارم
حرّی غصه دن خلاص ائت، فضلیوه امیدوارم
دوتماغا بو دامنوندن، منبعِ سخایه گلدیم
.
سن او شاهسن قاپوندان، بوش قَییتمییبدی بیرکس
دامنون کس آل الیمدن، یا بو اللری اوزون کس
سنده قووسان اوز قاپوندان، نیلییم هارا گئدیم بس
رسمدیر کریم آداملار، لا دئمز گدایه گلدیم
.
قوی اوپوم ایاقلاروندان، قالمیوب ئورکده آرام
ائیلهسین منی مرخّص باشیوه گلیب دولاننام
هر قدر حیاتیم اولسا، گتمرم قاپوندا قاللام
نی کیمی فغان و نالم، اوج ائدر سمایه گلدیم
.
هرکس عاق اولا امامه، بیلمیرم ندیر جزاسی
بیلمیرم اولاندا محشر، باشیمین ندیر بلاسی
حرّدن بو گون قبول ائت، یا حسین بو التماسی
قویما حشره بو قصاسی، دردیمه دوایه گلدیم
.
سسلهدی عزیزِ زهرا، گلمه چوخ فغانه یا حرّ
خوش گلیب صفا گتیردون، سن بو آستانه یا حرّ
ناامید اولماز هرکس، گلسه بو مکانه یا حرّ
سن مریضِ عشق اولوبسان، من سنه شفایه گلدیم
.
گرچه سالموسان هراسه، اهلِ بیت مصطفیٰنی
دیسگینیب بالام رقیّه، ساخلایاندا کاروانی
من باغیشلادیم گناهون، گئت قیزیم رقیّه جانی
باش گوتور قدملریمدن، رأفت و عطایه گلدیم
.
باش گوتوردو مقدمیندن، حاصل ائیلییب اجازه
یوز قویوبدو کارزاره، دینه جاننثارِ تازه
گلدی پیروِ حقیقت، یِتدی لشگرِ حجازه
سسلنیب ذبیحِ عشقیم، منده بو منایه گلدیم
.
گورسهدیبدی بیر شجاعت، فخرِ تودهیِ ریاحی
چولقیوب غبارِ محنت، پرده پرده عرصه گاهی
شیر تک قاتیب قباقه، قوودو قومِ دین تباهی
ائتمگه دئدی کمک لیک، شاهِ کربلایه گلدیم
.
چوخ جهاد ائدیب ییخیلدی، جیسمینه دگیب جراحت
ساقیِ اجل الیندن، ایچدی ساغرِ شهادت
هر ایکی جهاندا اولدی، رو سفید تاپدی عزّت
حرّ دئدی که حاجتیم وار، شاهِ نینوایه گلدیم
.
#سبک_سو_یوخومدی_قیزلاروندان ( بیش از 5 سبک)
.
#حر
#اصحاب_الحسین
#یاحسین_بو_آستانه_سائلم_عطایه_گلدیم
#کریمی_مراغه_ای
#ترکی
.
✍️ #زبدةالاشعار ✍️
?: @nohe_torki
نظر دهید