در تعاریف و اوصاف خاصّه حضرت علی اکبر علیه السلام
.
.
محمد وهابزاده (عیار اردبیلی)
.
.
شَرر زا و شعور و شا‌‌ءنیده شایان علی اکبر
جَنَم دار و جِدال و جذبه ده پایان علی اکبر
.
.
بو دنیا چاتمیوب چاتماز سنون مدحونده توصیفه
نَقَدری من چَکم گر شیره کلماتی تنظیفه
نقدری اوینادام هِی سوزلری میداندا تعریفه
گِنه وزنینده اولماز سن کیمی میزان علی اکبر
.
.
گورَنمز دیدۀ عالَم سنون تک فائق و نادر
متانتده، سیادتده، اصالتده، تک و طاهر
نبی جَد ، مرتضی قَد ، فاطمی سَرمد ،حسن ظاهر
حسین قلبینده قان تک جاری و جریان علی اکبر
.
.
چکوبدی عشقوین شوری منی بس سمتِ انگوره
چیخوبدی اعتدالِ عقل و منطق وادی شوره
حجاز آهنگی ذهنیمده کئچور مضرابِ ماهوره
بلا دشتینده عشق اولسون اذان گویان علی اکبر
.
.
تمام وجه توصیفی شئون حضرت طاها
مثال بارِزی تکبیرة الاحرامیده پیدا
ائدوب الله و اکبر کلمه سینده اکبری معنا
بودور شأن نزول کلمۀ قربان علی اکبر
.
.
نئجه اکبر که طاها نون جوانلیق قاب تصویری
جناب حمزه تک باز شکاری شیر شبگیری
شاخور سرنیزۀ ویرانگریندن روح درگیری
سپاه کوفه ده وار صحبتی هر آن علی اکبر
.
.
یازوب دست قضا اکبر آدین سردار دفتر ده
همان فالی ائدوبدی لیلیه تکرار دفتر ده
او باش که شوری وار ذکرین یازار (عیّار) دفتر ده
آدین طوماریده گوردی اولوب خندان علی اکبر
.
.
وداعِ عشق ائدوب لیلاسی مجنوندان همان ساعت
آلوب ئوز قتلینه فرمان چکوبدی بیر نفس راحت
حمایل زین و برگ ائتدی زره پوش اولدی تا حضرت
عقاب اوستونده گورسندی یلِ شَجعان علی اکبر
.
.
چکوب اوچ دفعه تکبیری رواندور سمت میدانه
جمالین کوفیان گوردی دوشوبلر شک و حیرانه
شیوخ پیر و اصحابین سوزی پخش اولدی هر یانه
بو احمد دور و یا که ایلیور جولان علی اکبر
.
.
گوروب سعد اوغلی برنامه قاریشدی نحص اولوب بختی
کئچوبدور تیغ عریانلار غلافه گاه بد وقتی
دئدی هشیار اولون اکبرگئینمیش جدینون رختی
ائدر تکرار بَدر و خَندقی آسان علی اکبر
.
.
اولوبدی منتخب چون بَکرِ مکّاره بو دعوایه
جمیعِ فنّه دارادی دوشوبدی دامِ هیجایه
مقابل اکبره وار نقصی الحق بوشدی معنایه
شروع رزمی بَکره ایلدی احسان علی اکبر
.
.
ائدوبدور فرصتیندن استفاده بَبرِ دست آموز
واریدی نیزه آتماقدا شِگردِ منحصر مرموز
هوا ده بیر قوشا شاهین نئجه پنجه ویرار دلدوز
او کیفیتده دوتدی نیزه نی بیر آن علی اکبر
.
.
نقدری بیلدیگیندن ایشلدوب بکر اولدی بی حاصل
حریفین چون جوان گورموشدی مغرور اولدی اول جاهل
چاتوبدی نوبتِ تدبیر اکبر مرد دریا دل
نهنگ آسا ائدوبدور بحریده طوفان علی اکبر
.
.
هوانی توز دوتوب گوز گورمیور اکبر ندور فکری
سالوب شمشیری جولانه وئروبدی گردن بکری
اولوبدی لا فتا لاسیف اهل آسمان ذکری
دولوبدی حیدر کراریلن میدان علی اکبر
.
.
#اکبریه #محمد_وهابزاده #اکبریه_مدح #اکبری_شجاعت #ترکی #زبدةالاشعار
نظر دهید