مدح و میلادیه حضرت فاطمه علیها سلام
.
✍️ #زبدةالاشعار ✍️
.
🆔: @nohe_torki
.
حاج اسماعیل فرشی ازهر(غمخوار تبریزی )
.
شرف عزت بو کون و مکان فاطمه دی
مایه فخر اناث دو جهان فاطمه دی
.
آدم و خاتمه تک ام ابیها دییلن
هامی اعصاریده تنها یازیلان فاطمه دی
.
اولمیوب اولمیه جاخ بیرقیزابیرایله لقب
حشره تک بیر ایله عنوانه نشان فاطمه دی
.
نوری افلاکی منور ایلین خلقتده
تابش مهر و مه بانی اولان فاطمه دی
.
قویان حوریه لری صورت انسیه سی مات
احد و احمده محبوبه عیان فاطمه دی
.
نوری مشتق اولونان ذات خدا نوریندن
آدمه نوری ویرن روحیله جان فاطمه دی
.
آدی منصوره سماواتیده ، مشهورملک
خلق آرا یرده ولی ورد زبان فاطمه دی
.
بیرده زهرا دییلر زهره اول نوره گوره
ظلمتی ارض و سمادن آپاران فاطمه دی
.
طاهره ، هانیه ، صدیقه ومرضیه دی بو
هر بیر اسمای پسندیدیه کان فاطمه دی
.
اهل محشرده اوگوز یوخدی اوسیمایه باخا
حشریده تکجه او اجماعه باخان فاطمه دی
.
سس یترخالق حقدن که یومون گوزلریزی
محشره مقدمینی ایمدی قویان فاطمه دی
.
نسل زهرادی فقط اونداتاپان فیض حضور
لیک ، عاصیلره شافع یارادان فاطمه دی
.
آنابطنینده صراحتله آچان دل آنیه
صبره وادار ایلین روزوشبان فاطمه دی
.
ایستدی تا ایده دنیانی منورقدمی
آناسی گوردی گلن یوخدی گمان فاطمه دی
.
دوتدی یوزدرگه والایه بله عرض ایلدی
همدمیم گرچه عیانیله نهان فاطمه دی
.
احتیاجی بله بیروقتده وارحامله نین
بارالها بو گلن جان جهان فاطمه دی
.
سنسن هربیکس ویالقوزلارا امید و پناه
بو خدیجه بوداهم صحبت اولان فاطمه دی
.
یاره باخ یاوره باخ جاه وجلاله نظرایت
قرب حقده نجه گورصاحب شان فاطمه دی
.
حق رضااولمادی بیکس قالازهراآناسی
بلی منصوریه عنوان بوهمان فاطمه دی
.
ساره و آسیه ومریم و کلثومه ندا
یتدی دنیایه گلن فخرزنان فاطمه دی
.
ناگهان ، گوردی خواتین بهشتی اوزمان
دیدیلر ایلمه وحشت چاغوران فاطمه دی
.
گلمشوخ امرخداییله کنارینده اولاخ
گرچه مونس سنه هرلحظه هرآن فاطمه دی
.
شرق وغربی قدم پاکی منور ایلدی
مکه ده هرایوه بونوری سالان فاطمه دی
.
اون نفرحوری تاپوب فیض حضورکوثریله
کوثریله یوولان ایله زمان فاطمه دی
.
چون بوکوثریته جاخ ساقی کوثر الینه
ساقی کوثره بیر روح روان فاطمه دی
.
ایستدی بولدوره حق فاطمه نین شوکتینی
یوخسا پاکیزه گلن تک آنادان فاطمه دی
.
ساقی کوثره بوکوثری الله بگنوب
ایله مولایه برازنده عیان فاطمه دی
.
بیرتبسمله او حوری لری دلشاد ایلین
میزبان اهل سماواته اولان فاطمه دی
.
رحمتین چشمه لرین عالمه جاری ایلین
گتیرن اون بیراوغول روح جنان فاطمه دی
.
افتخاریله اواون بیربالاسیندان دانشان
تک تکینن آپاران نام و نشان فاطمه دی
.
ایدن هرمشکلی آسان قاپوسی باب کرم
حشریده امّتی اودّان قوتاران فاطمه دی
.
گله جاخ محشره باشینده شفاعت تاجی
ایله بیروحشت ارا قیده قالان فاطمه دی
.
یتشن دادینه بیدادیله یالقوز قالانون
مهریله غصه لینین گوگلون الان فاطمه دی
.
یوزدوتارحشریده جبریله رسول مدنی
قیزیما تز خبر ایت ایمدی امان فاطمه دی
.
ای دوشن دردو بلایایه ایتیرمه اوزیوی
دوزدیساخ خاتمه هرجریان فاطمه دی
.
اولماساباعث عملرکه اولافاصله میز
شیعیه نصرت ایدن ایله زمان فاطمه دی
.
دوگمه اوزگه قاپوسین صدقیله دوت دامنینی
الی بوش ایله مین صاحب خوان فاطمه دی
.
باخما (غمخوار) گنهین چوخدی الین بوشدی سنین
فاطمه فاطمه دی قاچمادایان فاطمه دی
.
.
#فاطمیه_غمخوار
#فاطمیه_میلادیه #فاطمیه_مدح
#شرف_عزت_بو_کون_و_مکان_فاطمه_دی
#ترکی
.
✍️ #زبدةالاشعار ✍️
.
🆔: @nohe_torki
نظر دهید