اربعین
.
✍️ زبدة الاشعار ✍️
.
?: @nohe_torki
.
محمد علی مصیبی تبریزی
.
شامیدن گلدیم ائدم تجدید بیعت یاحسین
ایلیم قبرین نماسین منده رؤیت یاحسین
.
شامیدن گلدیم سلامه آلتی گوشه قبریوه
شوق وصلون آلمیش الدن صبرو طاقت یاحسین
.
قبریوی چوخ مایلیدیم یابن زهرا طوف ائدم
شُکرُ للّه تاپمیشام فیض زیارت یاحسین
.
چوخ صعوبت خط سیریمده اولوب مانع ، ولی
قویمادیم خم قاشیمه یتسون نهایت یاحسین
.
ایسته میردیم بیر خلل دوشسون الستین عهدینه
عفو ائله عهدیمده گورسن نقص خدمت یاحسین
.
گلمیشم سینم ده کی نیسگیللی سوزلردن دیئم
ایلیم جور فلکدن من شکایت یاحسین
.
نهضتین چوخ سرّی پشت پرده قالمیشدی اوگون
لازمیدی فاش اولا بیلسون جماعت یاحسین
.
بیرعبث سوزدورباجون شمره وئروبدورمعجرین
شمره وئرمز معجرین تندیس عفت یاحسین
.
قانلی باشون سایه سینده سیر ِشامات ایله دیم
درده دوشجاق آلدیم اوندان استعانت یاحسین
.
نوک نی ده (( اَمْ حَسِبْتَ اَنَّ اَصْحاب )) آیه سین
اول زمان کی باشون ایلوردی تلاوت یاحسین
.
بیرعجوزه وُردی بیرداش قانلی باشیندان سنون
گور هارا چاتمیش ئورکلرده عداوت یاحسین
.
جوشدی قانیم اول زمانکی هنده نین اوغلی یزید
تشت ایچینده باشیوه ائتدی اهانت یاحسین
.
نیله دیم؟ بیر خطبه ایراد ایله دیم بی واهمه
بولدیلر زهرا قیزیندا وار نه جرات یاحسین
.
آتشین نطقیم مُجاب ایلوبدی جمع حاضری
گور نئجه حضّاری ائتدیم غرق حیرت یاحسین
.
سوزلریم غوغا یاراتدی بزم شُرب خَمریده
قد اقمْتَ العِشقیلن ائتدیم قیامت یاحسین
.
جای پرسش یوخ دگوب باش محمله یا دگمیوب
گر باجون دور اسوۀ صبر و رضایت یاحسین
.
کربلادن شام شومین غصه سین آز سانمورام
سن رقیه ئولماقین آز بولمه محنت یاحسین
.
جان وئروبدور گوشۀ ویرانه ده نازلی بالان
چوخ یورولموشدی وئروب جان اولدی راحت یاحسین
.
من صدارت حکمین آلدیم سندن امّا ، شامیده
اوچ یاشیندا قیز آلوب حُکم سفارت یاحسین
.
عاقبت تخت خلافتدن سالار هند اوغلونی
نه یزید و نه قالار تخت خلافت یاحسین
.
خوش دگوراولسون«مُصَیّب» دستِ خالی،بی نصیب
چون ائدر تنها حسینه عرض حاجت یاحسین
.
#اربعین
#شامیدن_گلدیم_ائدم_تجدید_بیعت_یاحسین
#مصیبی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید