ششگوشه مزار پاکون اوسته بیر قامت خم گتوردی زینب #اربعین_نجمی_تبریزی

اربعین حسینی
زبانحال علیا مکرمه (س) در سر تربت حضرت سیدالشهدا (ع)
.
#زبدةالاشعار
.
: @nohe_torki
.
مرحوم سید یوسف نجمی تبریزی
.
ششگوشه مزار پاکون اوسته
بیر قامت خم گتوردی زینب
بیر دسته اورک یارالی خسته
آهوی حرم گتوردی زینب
.
.
جنّاتدن ای مزاری گویچک
کیم قبریوه تحفه گتدی من تک
بیر سینه سی دورت مین اوخلی کوینک
عنوان الم گتوردی زینب
.
.
گوز یاشی توکه توکه عذاره
ششگوشه لی بو گوزل مزاره
بیر اوخلی سو مشگی بندی پاره
بیر قانلی علم گتوردی زینب
.
.
شاماتدن ای آنام نشانی
آغلاتماقا جمله ماسوانی
عمّامۀ شبه مصطفانی
سرمایۀ غم گتوردی زینب
.
.
ای جسم شریفی ریزه ریزه
چوخ غم یتیشوب بو اشگریزه
بو توزلی مزاره مشگبیزه
غم نچّه رقم گتوردی زینب
.
.
شاماته گیدنده دشمنیله
ایرمی ایکی قیز گیدوب منیله
امّا قیدنده شیونیله
اون بیر بالا کم گتوردی زینب
.
.
ای باب کرامت یگانه
امید کرمله یانه یانه
بیر جمع کریمدن نشانه
ارباب کرم گتوردی زینب
.
.
دردی یته عرض شهریاره
بیر نامه ده ایلیه اشاره
یازماقلوقا صفحۀ عذاره
مژگانی قلم گتوردی زینب
.
.
جان وار باجوون بو صحبتنده
اود یاغدوران اشگ حسرتنده
کتفنده قولوندا صورتنده
آثار ستم گتوردی زینب
.
.
بو رشگ بهشت قبرون اوسته
بیر جمع پریش و دلشکسته
جای گل لاله دسته دسته
گلبرگ ارم گتوردی زینب
.
.
داد ابن زیاد عداوتیندن
بزمینده ایدن شقاوتیندن
شهزاده گدا شمادتیندن
قلبینده ورم گتوردی زینب
.
.
قارداش باجوی جماعت شام
آغلاتدولا هر سحر هر آخشام
شاهد سوزومه ایکی دولی جام
اشگیله چو یم گتوردی زینب
.
.
#نجمی ایله شکر بی نهایت
تاپدون نه عجب گوزل سعادت
ایتدوقجه بو نوحه نی کتابت
هر کلمه ده دم گتوردی زینب
.
.
#اربعین_نجمی_تبریزی
#ششگوشه_مزار_پاکون_اوسته_بیر_قامت_خم_گتوردی_زینب
#ترکی
.
#زبدةالاشعار
.
: @nohe_torki