در مدح حضرت علی علیه السلام
.
.
علی شهودی
.
شهنشاه فلک پیما علی دور
امیر لافتی الا علی دور
.
قسیم النّار و الجّنه یازیبلار
شفیع محشر کبری علی دور
.
سوروشدوم علمدن شأنین بیان ائت
دئدی من قطره یم دریا علی دور
.
مسیحا دن سورشسان کیمدی؟ سویلر :
ائدن هر مرده نی احیا علی دور
.
دیل آچسا گر جمادات و نباتات
دییرلر بی گمان والا علی دور
.
سحردن آخشاما دیللرده جاری
بلاد شیعه لرده یا علی دور
.
تأمّل ائیله قرآن مبینده
مراد از عُروَة الوُثقی علی دور
.
گره ک بیلسین بو امری مدعی لر
کی کفو حضرت زهرا علی دور
.
وصیّ و جانشین ختم مرسل
ولایت امرینه اولی علی دور
.
امینم شاهباز قاب قوسین
انیس لیلة الاسری علی دور
.
غدیر خمده پیغمبر حق
بویوردی دهرده حق با علی دور
.
کیمین مولاسی ام من اگه اولسون
اونا مندن سورا مولا علی دور
.
.
#حیدریه #علی_شهودی #حیدریه_مدح #غدیریه #ترکی #زبدةالاشعار
نظر دهید