زبانحال قمر منیر بنی هاشم (ع)
..
..
رضا غلامپور (دلپاک)
..
..
شوق وصل اولوب مسلط وادی خیاله قارداش
ایلور آرزو خیالیم بیر چاتا وصاله قارداش
..
..
ای جمال پر فروغی برج جوده ماه کامل
محو اولار او نور حقدن بی گمان محاق باطل
دونسه ظلمت فراقیم سنله صبح وصله حاصل
دونمسین منی گورنده قامتین هلاله قارداش
..
..
چیخسان ای مه محبّت طالع خوش کرمدن
ظلم ظلمتی نهان قیل جمع کوکب حرمدن
بیرده طیّ قیل سپهر صبری چون سحاب غمدن
حیفدور گلنده دوشسون لکّه مه جماله قارداش
..
..
بارگاه قدسون اولموش بس کی منشأ کمالات
سربه سر مقیم اولوبدی آستانیوه سماوات
شرح شأن شوکتونده گنگدور روان مقالات
منده درگهونده یئتدیم بو سبب کماله قارداش
..
..
ای خطوط نقش شأنی دست خطّ حیّ سبحان
وی نقوش قاب حسنی نقش بی بدیل ایمان
گل بو وعده گاه حقّه واردی پیکریمده تا جان
ئولمه میش باخوم دویونجا بیر او خطّ و خاله قارداش
..
..
عالمی ائدوب مسخّر جمله جلوهٔ جلالون
سیرت عطاده یکسر منتشردی خوش خصالون
فاش اولاردی بو گروه پست بی گمان کمالون
دوشمسیدیلر بو چولده حبس اغتفاله قارداش
..
..
محنتینده تیر آهیم دگدی قلب آسمانه
حشره تک شفق بویاندی دگجاقین افقده قانه
قان ایچینده بیرده نالم تا چاتیبدی کهکشانه
منکیمی بویاندی عیّوق اوندا رنگ آله قارداش
..
..
رزمگهده ایمن اولماز جنگ وقتی هئچ علمدار
خاصه دوشسه گر حصاره دشمنه زمان پیکار
عرض ائدوم نه لر بو غمدن گول اوزون زمان دیدار
گور دوشوب عدو الینده قارداشون نه حاله قارداش
..
..
وار بسان گل اورکده چوخ گلایه خار و خسدن
منتظردی مرغ روحوم تا رها اولا قفسدن
بس منه ووروبلا یاره دوشموشم داخی نفسدن
خستیم قسم جلال حیّ ذلجلاله قارداش
..
..
آتش عنایتیله شمع آرزومی یاندیر
گل ولی مرام قلبی تخت لطفوه دایاندیر
دوت اوزون کسیک قولومدان باشیوه منی دولاندیر
تا که خوش گئدیم گئدنده سمت ارتحاله قارداش
..
..
شیر بیشهٔ شجاعت پور شیر کردگارَم
بیر مشیّت اوسته ایمدی فوج روبهَه شکارَم
فرصت قتاله بیردم گر اولیدی راه چارَم
من مگر امان وئرردیم دستهٔ شغاله قارداش
..
..
مقصد خیاله گویا فرقهٔ جفا چاتیبدی
کشتی امیدیم افسوس بحر غصّه ده باتیبدی
بیر زمان گلنده گورسن قانلی بیرقین یاتیبدی
عفو ائله منی مقام ذات لایزاله قارداش
..
..
مشک تا خدنگ دشمن ووردی چگینیم اوسته یاره
مشکیم آغلادی گوزوم تک اولمادی بو درده چاره
آخدی سو یئره من ائتدیم وای دیه دیه نظاره
چون که دوشموشیدی قولار عرصهٔ جداله قارداش
..
..
سویلدیم بلی بلایه کئچمدوم اورک سوزومدن
مسلک وفاده کئچدیم عهدیم اوسته لیک اوزومدن
آغلادی گوزوم غمونده اوخ دگن زمان گوزومدن
غمون عارضیمده گلدی قانی ابتهاله قارداش
..
..
یئرده قانلی پنجه ایله شاهباز قاف جنگم
پر آچیب وجودوم اوخدان بس نشانگه خدنگم
حیف اوچانمیرام دوباره بو دلیله سینه تنگم
قاف اوچماقا نیازیم واردی چون کی باله قارداش
..
..
تاپدی تا وزیری «دلپاک» قان ایچینده شاه اعظم
توکدی متصل عذاره دیده دن سرشک ماتم
آچ گوزون بویوردی بیر باخ باشین اوسته موسم غم
قامت الف دونوبدی گور نه نوعی داله قارداش
..
..
#عباسیه #دلپاک #عباسیه_شهادت #ترکی #زبدةالاشعار
نظر دهید