شکر اولا خالقه کی کرب و بلا زائری ام #کربلا_ابراهیم_قبله

زائر کربلا
.
.
ابراهیم قبله آرباطان
.
.
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
یا حسین بیر بئله اجلالیوه ماشا الله
مکتب و نهضت و آمالیوه ماشا الله
کربلاوه، گوزل اقبالیوه ماشا الله
امّ و اب، بنت و اخ و آل یوه ماشا الله
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
شور جمعیته باخ، یوللارا باخ، موکبه باخ
بو قَدَر شوکته باخ، عزت و تاب و تبه باخ
عشقه باخ، نهضته باخ، مقصده باخ، مکتبه باخ
زائرین عرشه اوجالدیبدی حسین، مکتبه باخ
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
گئدیرم بوسه وورام قبر جنان منظرینه
بیر زیارت الییم قاسمینه اکبرینه
آغلیام بیرده ابولفضله علی اصغرینه
یار و انصاره سلام عرض الییم یکسرینه
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
سایمشام بیر بیر عمودی یتیشم محضریوه
آند وئرّم سنی، سینه نده یاتان اصغریوه
ایستی گون، آتلار آیاقینده قالان پیکریوه
بیر عنایت گوزیویلن باخاسان نوکریوه
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
تا جهان واردی فراتی دونه القانه گوروم
قورویا، محتاج اولا قطره ی بارانه گوروم
دونمه یه دور و بری باغ و گلستانه گوروم
دونه هر بیر قدمی آتش نیرانه گوروم
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
اربعینین دور آقا، عالم اسیریندور آقا
عرشی حیرت ده قویان پاک ضمیریندور آقا
کعبه ی اهل ولا، راسِ منیریندور آقا
زائر سوخته دل، چونکی سفیریندور آقا
شکر اولا خالقه کی کرب و بلا زائری ام
من حسین نوکرینین نوکرینین نوکری ام
.
.
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
.
#آرزوی_کربلا
#زائر_کربلا
#کربلا
#اربعین
#شکر_اولا_خالقه_کی_کرب_و_بلا_زائری_ام
#ابراهیم_قبله
#ترکی
#زبدةالاشعار