زبانحال حضرت لیلا (س)
در وداع با علی اکبر(ع)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
شیرین دل اوغول لهجوه گفتاروه قربان
اون دورد گیجه لیک آی کیمی رخساروه قربان
.
.
اعجاز بدیع قلم صانع فرده
پر شور اولان عشقوه قلبونده کی درده
اکسیر مثالینده ایاقوندا کی گرده
باشونده کی پیغمبری دستاروه قربان
.
.
حسنونده تجلّی ایلین جَلوت عشقه
آب گلوه جلوه ویرن طلعت عشقه
جسمونده کی آغ کوینگوه خلعت عشقه
سر پنجه وه شمشیریوه پیکاریوه قربان
.
.
پوخ لاله ده قیمت دیمرم حسنوه لاله
نرگسیلر اولور مست باخاندا بو جماله
آغ صورتون اوستونده سیه دانۀ خاله
چاه زنخ و لعل شکرباریوه قربان
.
.
سرمایه صد افسوس اولا ناچیزیدی منده
نقدینه فقط غصّه لی بیر جاندی بوتنده
بیر جان ندی مین جان اگر اولسیدی بدنده
صدقیله دیردیم مینی بیر تاروه قربان
.
.
درد دل لیلانی بلر اهل دل اولسا
باخدوقجا شقایق سنه خوشدور خجل اولسا
گلشنده اولان عطرلی گل لرده دیل اولسا
سسلر هاموسی صورت گلناریوه قربان
.
.
قوسینیدی ابرولرون آی وارث کرّار
نورانی جبینون ولی محرابه چوخ اوخشار
سن کعبۀ جانسان آنووا دامنون استار
ای کعبۀ جان حشمت استاریوه قربان
.
.
مصر اهلی هایاندا قالوب ای یوسف لیلا
گورسونله سنه مشتریدور نچه زلیخا
جان قیمتنه وصلوه اولموشلا مهیا
بازارون عجب گرمدی بازاریوه قربان
.
.
هیچ بیلمیورم آه چکوم یا دیوم آخ گیت
آیداندا گوزلسن ولی اولدوز کیمی آخ گیت
گوز یاشی توکن تشنه زلیخالره باخ گیت
قوی هامّی دیسین لذّت دیدار یوه قربان
.
.
ممکن منه اولماز دانشام سنله دوباره
گلسون گله جکسن بلورم پیکری یاره
سال باشمه اون سگّیر ایلین مزدینه قاره
دیندیر منی اوّل صورا گیت یاروه قربان
.
.
وردی بالا قزلار سنون اطرافوه هاله
دوندی باشووا عمّه لرون ایلدی ناله
قوی منده دونوم باشوه عزم ایله قتاله
تزتز آنا دی نحوۀ تکراریره قربان
.
.
گوردی بوئی جانور ایده بوسه دوداقوندان
قویدی دوداقین اؤپدی رقیّه ایاقوندان
آیریلدی ایلین گویچگی گل تک بوداقوندان
لیلا او شیرین سوزلی گرفتاریوه قربان
.
.
عطشان بالالار عرض نیاز ایلدی بیر بیر
پروانه لرون سوز و گداز ایلدی بیر بیر
سالم باجیلارون سنه ناز ایلدی بیر بیر
یثربده قالان خواهر بیماریوه قربان
.
.
صغرانی قویوب عزم ایلدون ملک عراقه
باغلى اطاقون قالدی او رنجور فراقه
باخدوقجا دیور ایندی او در بسته اطاقه
ای باغلى قالان او در و دیواریوه قربان
.
.
«انور» غم پیری ایلیوبدور سنی فرتوت
آز قالدی گلوب حمل ایلیه قبریوه تابوت
تا وار نفسون شبه پیمبر اتگین دوت
ورد ایله گوزل قبریوه زوّاریوه قربان
.
.
#اکبریه_انور_اردبیلی
#اکبریه_شهادت
#شیرین_دل_اوغول_لهجوه_گفتاروه_قربان
#ترکی
.
✍️ #زبدةالاشعار ✍️
.
🆔: @nohe_torki
نظر دهید