استمداد حضرت ابوالفضل علیه السلام
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
.
قارداشون قارداش بو قوم نا مسلمان ئولدورور
سوکنارینده فرات اوسته لب عطشان ئولدورور
.
.
هارداسان ای والی ملک ولایت هارداسان
هارداسان ای شمع فانوس هدایت هارداسان
هارداسان ای دُر غلطان رسالت هارداسان
انتظارون شایق وصلون هراسا ئولدورور
.
.
سن بولورسن من ازل گوندن سنه دلبستیم
باش سینوب قولاّر دوشوب یورقون یارالی خستیم
لطف قیل اکرام ایله تیز گل حسین جان اوستیم
کوفیان بیر جان بسر جان اوسته بیجان ئولدورور
.
.
گوز یاشیم گوزدن آخوب توپراقلار اوسته گُول دوروب
غنچۀ امیدیمی بیر تیر پرّان سولدوروب
سینه سین سیل تک آخان قانی سو مشکین دولدوروب
روح امیدی سموم یأس و حرمان ئولدورور
.
.
ای جمالی جلوۀ نخل تجلّا بخش طور
طورسیناده کلیم اللهه سرّ نا ظهور
هارداسان گل بیر سینان باشه بغیشله فیض شور
خاکسار خاک راهون درد هجران ئولدورور
.
.
من فسون عشقیله افسون اولان افسانیم
بزم وحدتده سنه همرنگ و هم پیمانیم
شمع حسنُونله یانان جاندان گچن پروانیم
آشنای عشقیوی بیر عدّه نادان ئولدورور
.
.
باش قویوب توپراقلارا قان بسترینده یاتمیشام
گوزیاشین گوز قانینه گوزکاسه سینده قاتمیشام
قانلی گوزیاشیله قارداش یولّارون ایسلاتمیشام
قان ایچینده قارداشون باران پیکان ئولدورور
.
.
گوز ندور؟ گوز آچماسا اوز بسترین قان گورمسه
اوخدان آرتوخ گوزچخاردان درد هجران گورمسه
گوزده یوخ گوزلیق اگر جان اوسته جانان گورمسه
گوزلریمده کوفیان تصویر جانان ئولدورور
.
.
.
قوخمارام هرگز فنادن من فنادن باقیم
عاشقم محبوب ذات لم یزل مشتاقیم
ظلمیله پیمانه سی سینموش یارالی ساقیم
کربلا سقاسینی اولاد سفیان ئولدورور
.
.
من سپهر عزّتین گوندن ایشقلی ماهیم
سرّ نا آگاه عشقین محرم و آگاهیم
محو محوم بولمورم شاید حسین اللهیم
محرم سرُّ اللهی اجزاء شیطان ئولدورور
.
.
شهپری سینموش قاناد سیز مرغ طیهویم حسین
اوخدان استقبال ایدن قورخونماز آهویم حسین
قبض و بسط عشقیده سر گرم هوهویم حسین
حق هماسین فوج بوم خانه ویران ئولدورور
.
.
هارداسان ای دُرِّ غلطان کمالاته صدف
سینۀ تاریخ انسانلاردا منشور شرف
پنجه سی دوشموش دوشوب پروردۀ شاه نجف
شیر حق اوغلون سگان تیز دندان ئولدورور
.
.
کوفیان ناحق یره از بس بوگون پاک قان توکوب
قان یاغیشلی قان بولودلار قانلی صحرایه چوکوب
گوندوزون گوندوز گوزون اوچ شعبه لی بیر اوخ سوکوب
اهل ظلمت مظهر صبح درخشان ئولدورور
.
.
کینه لی رحم ایلمز دشمندی قارداش صاق صولوم
گل ایشقلانسون جمالیندن ایشقلانمیش یولوم
دامنوندن دوتماقا یولدا دوشوب بیر جوت قولوم
یول کسن دشمن یولوندا یولدا قربان ئولدورور
.
.
اودلانان یانقین سالان یانقین یانیشدا یانموشام
اود سُوَن اودلی سمندر تک یانوب اودلانموشام
سندن اوزگه هر نه وار یاددان چخاردوب دانموشام
یادیوی سینمده امّا شرم و احسان ئولدورور
.
.
ای شه گردون حشم ای شهریار محتشم
«هادیه» ویردون عجب دمده عجب جانانه دم
قارداشا قارداش دیلینجه بیخبر یازدی قلم
قارداشون قارداش بو قوم نا مسلمان ئولدورور
.
.
.
#عباسیه_هادی_تبریزی
#عباسیه_شهادت
#قارداشون_قارداش_بو_قوم_نامسلمان_ئولدورور
#ترکی
.
✍️ #زبدةالاشعار ✍️
.
🆔: @nohe_torki
نظر دهید