مصائب و شهادت حضرت زینب (س)
.
#زبدةالاشعار
.
: @nohe_torki
.
مرحوم حاج محمود رهبری تبریزی
.
شیعه اولوبدورعالم ماتم سرای زینب
باشلانموش هرمکاندا شوروعزای زینب
.
.
یاسه باتوبدی یرگوی شیعه گلوب فغانه
تیر اجل ایدوبدور زهرا قیزین نشانه
بیرده مثال زینب گلمز داخی جهانه
یردن اوجالموش عرشه آه و نوای زینب
.
.
دینون یولوندا دوزدی هربیرغم و جفایه
رنگ غمه بویاندی دوشدی باشی بلایه
معناده گلدی زهرا بوگون او غم سرایه
غربتده گلدی مطلق دوتسون عزای زینب
.
.
کرب وبلا جفاسی گول رنگینی ساراتدی
زهرا آناسی مثلی غصّه ساچین آغاتدی
ششماد قدّی آخر بوکدی فلک قوجاتدی
هربیرغمه باش اولدی کرب وبلای زینب
.
.
جان حقّه تاپشوراندا اطرافنه باخاردی
ایستکلیسی حسینی حسرتله آختاراردی
رُخساره گوزدن اشکی باران کیمی آخاردی
دنیانی ایتدی گریان بو ماجرای زینب
.
.
ایتدی سپر وجودین ظلم عدویه هر آن
ایتموشدی قارداشیله دین اوسته عهد و پیمان
بو نهضته شریکم عرض ایلدی حسین جان
هر بیر مکاندا اولسام اول رهنمای زینب
.
.
غربت ایوینده آلدی پیک اجل سراقین
یاد ایلدی ئولونجه قارداشینون فراقین
کسدی فنا جهاندان چرخ ستم ایاقین
قالدی نشان جهاندا عشق و وفای زینب
.
.
قوم دنی الیندن چکدی جفا و آزار
سالدی اونی ایاقدان ظلم و جفای اشرار
گیتدی توانی الدن اولدی وجودی بیمار
باشه بو گون یتیشدی عمر فنای زینب
.
.
شام و سحر حسینی یاد ایلوب آغلیاردی
گه اوخشیوب یارالی گه سینه داغلیاردی
پیراهن حسینی گوز اوسته ساخلیاردی
آغلار یتردی باشه صبح مسای زینب
.
.
روح آیرولان زماندا گوردی حسین جمالون
آتدی اودم باشوندان دیلده اولان ملالون
اخر نفسده تاپدی قارداشونون وصالون
غربتده گوردی واردی بیر آشنای زینب
.
.
سیز یا حسین یقندور محبوب کبریا سوز
اسرار( رهبری) دن آگاه و آشناسوز
من بیر گدای مسکین سیز شاه کربلا سوز
بیر وقفه اربعینده ساخلوم عزای زینب
.
#زینبیه_رهبری_تبریزی
#زینبیه_شهادت
#شیعه_اولوبدور_عالم_ماتم_سرای_زینب
#ترکی
.
#زبدةالاشعار
.
: @nohe_torki
نظر دهید