شیعه لر آقاسی ایلیوبدی رحلت #صادقیه_عینی_فرد

شهادت حضرت امام جعفر صادق علیه السلام
.
.
#سبک_دولدوروب_جهانی
.
.
حاج غلامرضا عینی فرد زنجانی
.
.
شیعه لر آقاسی ایلیوبدی رحلت
صادق الائمه کنز علم و حکمت
.
بحر درد و غم داشدی
جن و انس آغلاشدی
یا بقیة الله (2)

.
.
.
بو گجه ملک لر آسماندا آغلار
مذهب تشیع اهلی سینه داغلار
اشگینی عذاره بو محنده باغلار
.
اولدی بو بلا اعظم
وردیلار قره پرچم
یا بقیة الله (2)

.
.
.
گلشن ولاده صولدی بر گل یاس
حقّی وار دوتسون بو گله چمن یاس
دقّتیله عارف نالیه قولاق آس
.
ناله لر چخوب عرشه
گلدی عرشدن فرشه
یا بقیة الله (2)

.
.
.
رحلت ایلیوبدی شیعه لر آقاسی
صادق الائمه کاظمون آتاسی
وار یقین جناندا آغلوری آناسی
.
صاحب الزمان آغلار
داغلی سینه سین داغلار
یا بقیة الله (2)

.
.
.
ایلیوبدی طغیان بحر ظلم منصور
بی حیا حیادن ایلدی اوزون دور
اوُلدوره امامی ایلیوبدی منظور
.
ظلمیله شهید ایتدی
ماهی ناپدید ایتدی
یا بقیة الله (2)

.
.
.
حیف اولا خسوفه دوشدی ماه ایمان
پیشوای معصوم جان ویروبدی یاران
یاسه باتدی باور ایله دین و قرآن
.
تکیه گاه دین گیتدی
عالمی غمین ایتدی
یا بقیة الله (2)

.
.
.
توسن جفایه راکب اولدی منصور
ئولدوره امامی راغب اولدی منصور
ظاهراً بو ایشده غالب اولدی منصور
.
وسوسه ایدوب شیطان
عالمه سالوب طوفان
یا بقیة الله (2)
.
.
.
.
#صادقیه_شهادت
#شیعه_لر_آقاسی_ایلیوبدی_رحلت
#عینی_فرد
#ترکی
#زبدةالاشعار