شیعه لر بو گون سس سسه وئرون #حیدریه_مژده_اردبیلی

#حیدریه_شام_غریبان
شام غریبان حضرت امیرالمومنین علیه السلام
.
.
#سبک_نقش_من_چرا_نقش_ماتمه
.
.
مژده اردبیلی
.
.
شیعه لر بوگون سس سسه وئرون
تسلیت دیون شاه عالمه
چونکه کوفه شهرینده بوگئجه
عمر مرتضی تاپدی خاتمه
قاره گئیدی عالم
غرق ماتم اولدی
غرق درد و ماتم
شاه عالم اولدی
.
.
مجلس عزا قوردی مجتبی
درد و غصه دن آغلادی حسین
زینب اولدی مولایه نوحه خوان
قلب زارینی داغلادی حسین
گرچه شمس عالم
مقصده یئتیشدی
ابن عم خاتم
مقصده یئتیشدی
.
.
بیر کذائی عشق اوسته خصم دون
شاه مشرقینی قیلیجلادی
سجده گاه حقده اوناخلف
فاتح حُنینی قیلیجلادی
مقصده اگرچه
چاتمادی اوملعون
لاکن ائتدی شاهِ
کربلانی دلخون
.
.
نوحه باشلادی زینب علی
شاه کربلا سینه داغلادی
اشک آلی توکدی یوزه حسن
اوخشادئدی زینب آغلادی
چیخدی عرش حقه
زینبون نواسی
زینب اولدی بیرده
غملر آشناسی
.
.
زینب اولسا بیر یرده نوحه خوان
اشک غم توکر آدم آغلیار
باغریقان اولان یئرده فاطمه
اوخشاما دئیر خاتم آغلیار
خاتم آغلییاندا
اهل عالم آغلار
ساکنان پاکِ
عرش اعظم آغلار
.
.
جبرئیل اودم نوحه باشلییار
مجلس عزاسینده حیدرون
نوح ائدر نوا سینه داغلییار
قانلی ماجراسینده حیدرون
چونکه شاه عالم
صاحب عزادی
مرتضا غمیندن
درده مبتلادی
.
.
باب عشق و عرفاندا ای قلم
چوخ دولانما دنیاسی آیریدی
باشلانوحه تعقیب ائله سوزی
مجلسین تمنّاسی آیریدی
تسلیت دئ سنده
درد و غمدن آغلا
یاده سال بیر آیری
دردی سینه داغلا
.
.
مقصده چاتوب شاه لافتی
نوش ائدوبدی جام شهادتی
ناگهان گوروب دخت مرتضی
معدن وفا و سخاوتی
آغلیور ملال و
درد مرتضادن
قلبی قان اولوبدی
ناله و نوادن
.
.
ذکر ائدور دیلینده بوسوزلری
آی عدالت اوسته ئولن بابا
معدن سخا مظهر وفا
رکن طاعت اوسته ئولن بابا
شمس پُرفروغ
آسمان عزّت
بارگاه عشقی
آستان عزّت
.
.
حق دئدون بومحنت سراده سن
حق سوزون خریداری اولمادی
بیوفا چیخا کوفه ملتی
حق دیئن طرفداری اولمادی
باشووی بلایه
سالدی اهل کوفه
انتقام بدری
آلدی اهل کوفه
.
.
سایه باشلارا سالدون آی بابا
قدرووی بیلن اولمادی سنون
سن دئدون که سبحانه بنده سن
عبد اهریمن اولدی دشمنون
ملجم اوغلی سالدی
کوفه ده قیامت
اوغلوون الیندن
آلدی صبر و طاقت
.
.
قلبیم اود دوتوب یاندی آی بابا
محنت و شرار ملالیدن
دشمنین بوجور و جنایتی
سالدی اوغلووی شور و حالیدن
دویمارام ئولونجه
روزگار غمدن
آغلارام بو درد
بیشمار غمدن
.
.
سسلرم هرایه سنی بابا
غصه و ملالیم اولان زمان
داده سسلرم ای ولی حق
گلشن ولایت سولان زمان
عاجزانه سندن
ایلرم تقاضا
ای ولیّ داور
اهل عشق مولا
.
.
مشکیم اوخلانا آبرو گئدر
خیمه گاه عشقه گئدنمرم
بیر ایچیم سو عطشان اوشاقلارا
حق یولوندا احسان ائدنمرم
اوندا سسلرم من
دادیمه گلرسن
باشیم اوسته غمدن
گوزیاشی اَلَرسن
.
.
ئولدورر منی خجلت عالمی
شاهباز عشقین سینار پری
غیچه ی ولایت سولاربابا
اولماز آیری احساسه باوری
طاقت اولماز اوندا
چونکه بیر اوشاقدی
تشنه لبدی امّا
دشمنه قوناقدی
.
.
ای قلم سوزون چکدی گورهارا
ظلم دشمنی ائتدی برملا
کوفه نین بوظالم جماعتی
قلب حیدره ویردیلار یارا
اوخلادی سومشکین
دشمن اوغلی دشمن
اسدی صرصر غم
غارت اولدی گلشن
.
.
یاندی لبلری تشنه قیزلارین
صودامر علی اصغر آغلادی
ائتدی هی اشاره دوداقلارا
اهل بیت پیغمبر آغلادی
گل دئدی عموجان
یاندی لبلریم گل
سوگئتور خیامِ
عشقه یاوریم گل
.
.
(مژده ) که بونوعی ائدور رقم
نوحه لر یازور قلبی قان اولور
سوسوزی گلنده هرآینه
تیر درده قلبی نشان اولور
گوزیاشین بوغمده
هی توکور عذاره
چوخ گوروب نچونکه
طفل شیرخواره
.
.
هی باخور سووا ال ایاق چالور
صاق صولا باخور سینه داغلیور
دیل دوداق یانور قلبی اودلانور
دوشمسه نفسدن هی آغلیور
سو سوزون دانیشماز
ایلییر اشاره
لبلره سواوسته
اولسا پاره پاره
.
.
#حیدریه #مژده_اردبیلی #حیدریه_شهادت #ترکی #زبدةالاشعار