تللرون سوره والیل لبون کوثردی #اکبریه_بابک_اردبیلی

میلادیه حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
حاج افشین بابک اردبیلی
.
تللرون سورۀ والیل لبون کوثردی
کیپریگون نظمه دوزولمش ئوزی بیر لشگردی
.
قوجاقیمدا سنی هر کیم گورور اظهار ایلیور
قامتی عینا ابوالفضل یوزی پیغمبردی
.
مصر عورتلری گورسه سنی طوفان قوپاجاق
نه کی سن یوسفه ، یوسف سنه چوخ بنذردی
.
او کی انکار قیامت ایلیور باخسا سنه
کیپریگون گورسه دیر کی بو صف محشردی
.
قالمیشام گوزلروی من نیه تشبیه ایلیوم
باخانی مست ایلیور چون دولی بیر ساغردی
.
نوحه یازماق چتین ایشدور اوقدر صبر ایستور
کی بو سوزلر بیز ایچون توصیۀ «انوردی»
.
سنده بابک بو گجه دردوی دی مولایه
شب میلاد همایون علی اکبردی
.
.
#اکبریه_مدح
#اکبریه_میلادیه
#تللرون_سوره_والیل_لبون_کوثردی
#ترکی
.
✍️ #زبدةالاشعار ✍️
.
🆔: @nohe_torki