شهادت حضرت امیر علیه السلام
.
#زبدةالاشعار
.
: @nohe_torki
.
مرحوم عاصی تبریزی
.
.
شیعه گل فریاده آغلا ماسوا آغلار بوگون
مرتضی مقتول اولوبدور مصطفی آغلار بوگون
.
.
قدسیان یاسه باتوب آغلار ولیّ داوره
ساخلیوب لاهوتیان ماتم بو گونده حیدره
بو مصیبت ایلیوب ایله اثر پیغمبره
جنّت ایچره باش آچوب خیرالورا آغلار بوگون
.
.
بو مصیبتدن اولوبدور بزم غم باغ جنان
حضرت زهرایه همناله اولوبدور حوریان
مو پریشان دیده گریان متصل ایلر فغان
وای عم اوغلوم وای دیر خیرالنّساء آغلار بوگون
.
.
نوح و ابراهیم و آدمدن گئدوبدور صبر و هوش
چرخ چارمده اولوب بو غمده عیسالر بدوش
جنّت ایچره مریم و سارا اولوبدور قاره پوش
هاجر و حوّا ائدر نی تک نوا آغلار بوگون
.
.
کثرت غمدن بوگونده عارض زینب سولوب
مجتبی عمّامه الده خاطری غمله دولوب
باش آچوب اولادی یکسر آغلیوب بی تاب اولوب
بوینی چگیننده شهید کربلا آغلار بوگون
.
.
حضرت عباس آچوب بیریاندا باش قان آغلوری
بیر طرفده أم کلثوم ایلور افغان آغلوری
کربلا مظلومی لیک هر لحظه هر آن آغلوری
زینب هر لحظه دیر وامُحنتا آغلار بوگون
.
.
مجتبی گه زینبین یوزدن سیلر گوز یاشینی
ام کلثومون آلار گه سینه سینه باشینی
گه باسار آغوشنه جان تک حسین قارداشینی
گه حسینون حالنه قان مجتبا آغلار بوگون
.
.
باد ائدر کرب و بلا اوضاعینی هر دم حسن
سن کیمی یوخدور دیر قارداش حسین مظلوم ئولن
آغلاما سن ای لب دریاده عطشان جان وئرن
حالیوه قان ایندیدن ارض و سما آغلار بوگون
.
.
بیر نهایتده بو امّتدن ائدر کینه ظهور
رختیوی یکسر سویار جسمون قالار گون اوزره عور
سس چکوب آغلار سنون احوالیوه وحش و طیور
ماسوا بیر ایله ظلمه برملا آغلار بوگون
.
.
آغلاسون عالم گرک قارداش سنون احوالیوه
بیر نفر اولماز او گونده باری یانسون حالیوه
آغلیاندا شمر دون قمچی وورار اطفالیوه
حالیوه مطلق آتامیز مرتضی آغلار بوگون
.
.
یا علی وار اعترافیم «عاصیم» یوخدور سوزوم
کثرت جرم و گنهدن تیره گوندور گوندوزوم
آخرین بیر ساعتیمده سنده دور شاها گوزوم
ایندیدن اول ساعته بو بینوا آغلار بوگون
.
.
#حیدریه_عاصی_تبریزی
#حیدریه_شهادت
#شیعه_گل_فریاده_آغلا_ماسوا_آغلار_بو_گون
#ترکی
.
#زبدةالاشعار
.
: @nohe_torki
نظر دهید