زبانحال زائر حضرت امام رضا (ع)
.
✍️زبدة الاشعار✍️
.
🆔: @nohe_torki
.
مرحوم غمکش
.
یا امام رضا عشق شررباره باخ
اللری سینه‌ده غمزده زوّاره باخ
.
هامی ایلور نوا
ئوزون ایله دوا
اوجالوب گویلره
یا رضا یا رضا
.
یا رضا جان (2)
.
.
گلمیشوق شوقیله شهر خراسانه بیز
عاشقوک شاهد اول شاه شهیدانه بیز
سسلروق آدوی گور نجه جانانه بیز
آغلیور عشقیله سینه‌لری یاره باخ
.
ئوزون ایله دوا
یا رضا یا رضا
یا رضا جان (2)
.
.
سن آنون فاطمه مشکلی آسان ایله
آغلیان گوزلری جمله خرامان ایله
شیعه‌نون باخ ئوزون دردینه درمان ایله
گل گلزاریلر توش اولوب خاره باخ
.
لطفون ایله عطا
یا امام رضا
یا رضا جان (2)
.
.
کرمون وار آقا فاطمه‌نین اوغلوسان
صاحب سلطنت حق دینین اوغلوسان
آدوا جان فدا پنج تنین اوغلوسان
یا امام رضا نوکر درباره باخ
.
سسلور اهل عزا
یا امام رضا
یا رضا جان (2)
.
.
گینه ده کربلا صحبتی طوفان ایدور
شیعه‌لر جانینی جدّوه قربان ایدور
اوجالان ناله‌لر عالمی حیران ایدور
سن آنون فاطمه دیده خونباره باخ
.
آغلورام من آقا
یا امام رضا
یا رضا جان (2)
.
.
اوجالوبدی گویه عشقیله احساسی‌میز
بسدی ثبت اولسا گر بزم غم و یاسی‌میز
جدّیوی سسلروق تا گله عباسی‌میز
گوزلرون قربانی اوندا علمداره باخ
.
شاه درد آشنا
یا امام رضا
یا رضا جان (2)
.
.
جدّوه هرزمان سن‌کیمی یاس ساخلاروق
آغلیوب آغلادوب سینه‌لری داغلاروق
سنی یاده سالوب فاطمیه آغلاروق
بزم غمده بوگون غمزده حُضّاره باخ
.
هامّیسی مبتلا
یا امام رضا
یا رضا جان (2)
.
.
«غمکشین» نوحه‌سی اَهل عزانین سوزی
سنده‌‌دی هر زمان باخ آقا آغلار گوزی
سینه‌سین غصّه‌دن دائمی داغلار ئوزی
سن عنایت ایله اولماسین آواره باخ
.
روحیوه جان فدا
یا امام رضا
یا رضا جان (2)
.
.
#سبک_یا_امام_زمان_شیعه_ده_احساسه_باخ
مشابه ⬇️⬇️
.
.
#رضویه_مدح
#یا_امام_رضا_عشق_شرر_باره_باخ
#غمکش
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید