شیعیان گلدی ماه ماتم #ورود_محرم_آذرین_خلخال

ورود ماه محرم
.
✍️ #زبدةالاشعار ✍️
.
🆔: @nohe_torki
.
#سبک_اصغریم_ای_شیرین_زبانیم
.
ودود آذرین خلخال
.
شیعیان گلدی ماه ماتم
ماه پر سوز غصّه و غم
قاره پوش اولدی جمله عالم
گلدی ماه غم محرّم
ای صبا ویرخبر علی شیعه سینه
سرمه غم چکه هامی دیده سینه
حسینیم وای
حسینیم وای
.
.
.
باشلانوب نوحه و عزالر
ماتم زادۀ پیمبر
هریره قاره نصب اولوبدی
داشلانوب سینه لرده غملر
کوفیلر ظلم ایدوب بو آیدا علنی
غرق اولوب ماتمه رسول مدنی
حسینیم وای
حسینیم وای
.
.
.
غم لنیب دی بو آیدا ایللر
غصه دن باغدا سولدی گوللر
بلبلین حالی پوزقون اولدی
مرثیه نقل ایدولله دیللر
گوییا کائناتی ماتم بورویوب
گوییا غنچه لر بوداغدا چورویوب
حسینیم وای
حسینیم وای
.
.
.
یرگویه قان دولار بو آیدا
غنچه گوللر سولار بوآیدا
غم یلی عترت رسولین
تللرینی یولار بو آیدا
کوفیان ؛ اکبری قانینا بلییر
کربلا ؛ جنته بو آی فخرایلییر
حسینیم وای
حسینیم وای
.
.
.
دشت محنتده میزبانلار
مهمانین دوره سین آلالار
اصغرین سویرینه دشمن
اوچ پر اوخ حلقینه ویرالار
الامان شام و کوفه اهلیندن آمان
اصغرین حالینه یانار پیر و جوان
حسینیم وای
حسینیم وای
.
.
.
(آذرین) بوغمه چوخ آغلار
سینه سین ماتمیله داغلار
قولاری باغلی اولدی اصغر
قاره سین باشه شیعه باغلار
اصغرین ؛ کسدی اوچ پراوخ حنجرینی
ساربان ؛ کسدی اربابین اللرینی
حسینیم وای
.
#ورود_محرم
#شیعیان_گلدی_ماه_ماتم
#ترکی
.
✍️ #زبدةالاشعار ✍️
.
🆔: @nohe_torki