اتمام حجت ابا عبدالله الحسین(ع) با لشگر
گریز به شهادت حضرت علی اصغر(ع)
..
..
حاج علیرضا امانی اردبیلی
..
..
صاحب اقتدارم من ، سرّ آشکارم من
سیِّدِ شهیدانم ، تشنه شهریارم من
..
..
رمز شش جهاتم من انعکاس ذاتم من
نور رهنمایم من کشتی نجاتم من
حدّ ِمحسناتم من مرز سیّئاتم من
قانلی دستمازیمله شاه الصّلاتم من
ایچمرم سوزمزمنن زمزمه حیاتم من
فکر ائدور شقی ملت تشنه ی فراتم من
بوالعجب حسینم من آیری شاهکارم من
..
..
فخر بو ترابم من شهد عشق نابم من
پرده دار ذوالقدر عالم حجابم من
پادشاه عاشورا میرِ انقلابم من
ناظم کتابم من ناظر حسابم من
ساکنان رضوانه سیّدِ شبابم من
باخمیون یوزوم توزدی پوزگون آفتابم من
رمز و راز و اَسرارِ عشقه اعتبارم من
..
..
باخمیون لب عطشانم ظاهراً پریشانم
من عزیز لاهوتم کربلاده مهمانم
باغلادوز منه نهری فکر ائدورسوز عطشانم
ایچمرم سو منّتلن انتهای عصیانم
من محصل درس بزم شاه مردانم
ای سپاه اهریمن گوز آچون سلیمانم
قبضه دار قهّارِ سیف ذوالفقارم من
..
..
ای دورو اولان ملّت سیزده یوخدی حیثیت؟
سیز علینی تک قویدوز، اولدی عز`توز خففت
بیعتی بو صحراده قویموسوز سوآ قیمت
قطعه قطعه دوغرانسام ظلمه ائتمرم بیعت
ایلمز قبول اصلا آلِ مرتضا ذلت
ظلمه باش اَ گَن شخصه تا ابد اولا لعنت
نار قهره یاندرّام ، ظلمتی .. شرارم من
..
..
من معلم دردم واحدم مِنَ الفَردم
اهل بیتیم عطشاندی قیزلاریملا هم دردم
عهدیمه ملایکده آفرین دییر هر دم
قانیم اللّهن قانی تک سوار آوردم
گر چه سایسوز اعدایه یک تنه همآوردم
حرّ تک پشیمانی من باغشلارام مردم
عشق جاودانم من مهر پایدارم من
..
..
ای سپاه بد کیفر تنگیدور سیزه محشر
من مطهّرم اطیب من منزّهم اطهر
غارت اولسا بو چولده پیرهن الی ..معجر
اتمرم قبول اولسون هر کس امّته رهبر
کربلاده آختارروک من بلا سیز انگشتر
باخمیون سپاهیم یوخ بسدی تک منه اصغر
گر چه اکبریم باتدی ، قانه.. داغدارم من
..
..
فکر ائدورسوز ای اعدا تیره روزگاریم وار؟
ئولدی قارداشم اوغلوم توزلی بیر عُذاریم وار؟
من حسین زهرایم آیری بیر وقاریم وار
جنگه اقتداریم وار صلحه اختیاریم وار
انس و جنه امر ائتسم کربلاده یاریم وار
انس و جنیدن آرتوق تشنه شیرخواریم وار
سو بهانه دور بیلسوز…یوخسا روزه دارم من
..
..
عشقیده زوال اولماز سئیرسیز کمال اولماز
عهد معنویتده فکر جان و مال اولماز
دینه ائتمیون تکیه، جاه اولار جلال اولماز
حاکمان فاسقدن ، پیروی حلال اولمار
لال اولوب اگر دیللر فکرلر کی لال اولماز
قاضی اولسا وجدانلار شیریلر شغال اولماز
تیغ تیز و شمشیر و تیره انتظارم من
..
..
سئندی عاطفه حدی غملر آشدی سرحدی
ناگهان او صحراده یئخدی موج غم سددی
شاه، شاه غم .. امت ، امت محمدی
اصغربن او شاهنشه..اشقیایه گورستدی
قالخوزاندا ئوز اوغلون وا حسین دئدی جددی
هر قدر تلاش اِئتدی دوز دیانمادی ّقددی
سسلنوبدی وای قارداش …گور نه اشگبارم من
..
..
حرمله سگ بد خو ارذل قوی بازو
گوردی شاخ طوباده بال بسته بیر تیهو
اگدی قاشلارون گویا شاهزادیه هندو
آتدی ال سه پر تیره سسله دی کمان یاهو
اوخ دئِدی ئوزی ایکاش ایستموردی اصغر سو
شرم ائله بیراز اوچی سود امردی بو آهو
اوخ دئمه منه، دردم، نیسگیلم شرارم من
..
..
قالدی دیلده اوخ دَردی چلّه اوسته تیترردی
آتدی اوخ اباالفضلین جنگیده همآوردی
اولمادی دیَین قاتل آی زمانه نامردی
اکبری یخار بو اوخ ساخلا اَل بو اصغردی
اوخ توخاندی حنجردن حُلقی گول کیمی دَردی
شیرخواری ال اوسته سمت خیمه دوندَردی
یعنی ئولدی شش ماهون ای رباب .. زارم من
..
..
اوخ توخاندی حنجردن قان سوزولدی لبلردن
قطره قطره جان آلدی پیکر مطهردن
اوخ نفس یولون کسدی آلدی طاقت اصغردن
قوش مثالی چرپندی اولمادی رها پردن
آلدی اصغرین دردی صبری شاه محشردن
ایسته دی اوخی چکسون نیمه جان کبوتردن
باخدی گوز گوزه اصغر… یعنی شیر خوارم من
..
..
سسله دی او شاهنشاه لا اله الا الله
چکدی شاهرگدن اوخ چخدی سینه سینّن آه
آیرلاندا اوخ باخدی … آلتی آیلقا ناگاه
گودی دوغرانان حنجر چکدی بیر نفس کوتاه
گوز سوزولدی باش آخدی، وِئردی جان اوگردون جاه
باش بدند ه قالموردی الده دوتدی ثار الله
گلدی سس حسین احسن ، قانه عهده دارم من
..
..
درک ائدوب بو جریانی دشت تشنه سلطانی
ایله دی او مظلومه بیر نگاه طولانی
آفرین دئدی اوغلوم ، ای رباب قربانی
تشنه لبلرون اوغلوم یاندرار بو دنیانی
کاش آنوندا بو غمده گورمیه پریشانی
اللربم اسور …تیترور . دیزلریم .. بالام جانی..
آغلیاق بالا با هم … خیمه دن کنارم من
..
..
#اصغریه#امانی_اردبیلی #حسینیه_امانی_اردبیلی #اتمام_حجت #ترکی #زبدةالاشعار #اصغریه_شهادت #حسینیه
نظر دهید