صبا حسینه خبر وئر رقیه جان وئردی #حضرت_رقیه_ابراهیم_قبله

شهادت حضرت رقیه سلام الله علیها
.
✍️ زبدة الاشعار ✍️
.
🆔: @nohe_torki
.
ابراهیم قبله آرباطان
.
صبا حسینه خبر وئر رقیه جان وئردی
سنین غمینده ئولوب، عشقینی نشان وئردی
.
.
ز بس که آغلادی، توکدی عزاره اشکِ ترین
ویریبدی بوسه باشا، آلدی عشقینین ثمرین
کفن یئرینه گئییبدور او قاره پیرهنین
یوموبدی حضرت زهرا باخیشلی چشملرین
صبا حسینه خبر وئر رقیه جان وئردی
.
.
پوزوبدی زینبِ غم پروری بو خیردا بالا
بو اوچ یاشیندا، سالوب عمه سینی حال دان حالا
عنانِ صبرینی آز قالدی غم، الیندن آلا
باخوردی حیرتیلن گاهی ساغ و گاهی سولا
تسلّی زینب اوچون چشم خون فشان وئردی
.
.
یانیقلی بیر جریان، اود وروبدور اطفاله
وئریردی غسل، گوزل جسمه وقتی غساله
دیوبدی بیر سوز، اوجالدی خرابه دن ناله
: بو جسمی هانسی مرض لر، سالوب بو احواله
بدن کبودی لرین زینبه نشان وئردی
.
.
دیدی بو قیز کی ئوزی فاطمه نشانه سی دور
حسین قارداشیمین غملی نازدانه سی دور
تصور ایله مه کی بیر مرض نشانه سی دور
پلید دشمنین آثار تازیانه سی دور
ز بس کی قوللارینا خیزران تکان وئردی
.
.
قابار آیاخلاریدا، راویِ اوزون غم دور
خیام غارتی الله بیلور نه عالم دور
تیکانلار ئوسته قاچان اهل بیت خاتم دور
تیکان بالا آیاقا نیلییر؛ مسلم دور
صبا حسینه خبر وئر رقیه جان وئردی
.
.
.
#حضرت_رقیه_شهادت
#صبا_حسینه_خبر_وئر_رقیه_جان_وئردی
#ابراهیم_قبله
#ترکی
.
✍️ #زبدةالاشعار ✍️
.
🆔: @nohe_torki