زبدةالاشعار

قارداش یارالی باشیم قالوبدور #عباسیه_عاصی_تبریزی

استمداد حضرت ابوالفضل العباس علیه السلام

✍️ زبدة الاشعار ✍️

🆔: @nohe_torki

#سبک_قارداش_یارالی_باشیم_قالوبدور

.
مرحوم عاصی تبریزی

قارداش یارالی باشیم قالوبدور
بو لشگر بی شُمار الینده
گل قویما بو شیر زخمداری
صیاد ستم شعار الینده

بیر صید خدنگ خورده تک من
مین رحمسیز اووچیا دچارم
شیرم ، کسیلوبدی دست پنجم
روباه صفتلره شکارم
یوخ دادرسیم بو صون نفسده
قارداش سنه بیر امیدوارم
صیاد ستمگرین برادر
وار بیر یارالی شکار الینده

بیر صدمه جفائیله یتشدی
بو لشگر شوم و فتنه جودن
سلب ائتدی وجودیمون قواسین
جبریله بوشالدی سو سبودن
یوخ منده گوروله جنگه قدرت
هی یاره ورولا چار سودن
جانه یتشوبدی قارداشون گل
بو فرقه نابکار الینده

قالمور او قدر که تار عمری
سر پنجه کین ایده گسسته
تشریفوه منتظردی شاها
بو ساقی ساغری شکسته
گلسن گوره سن نه کشمکش وار
قارداش بو یارالی بیر باش اوسته
قورخوم بودی سن گلنجه قالسون
باشیم نچه نیزه دار الینده

گل گور نجه ساحل فراتی
قانیم آخوب ایلیوب گلستان
گل گور نجه صرصر جفادن
گل تک بدنیم اولوبدی خندان
وار بسکه صفا و لطفی قاندان
ایلر اونا غبطه باغ رضوان
حاشا گتوره بو گل نظیرین
بیر گلشنه نوبهار الینده

متن پیشنهادی:  قلبیم آلیشوب زهرجفادن آتا یاندیم #جوادیه_حضرتی_ناعمی

قارداش بوئیدی تمام فکریم
دل نایل آرزو اولیدی
من خیمه لره گله بولیدیم
بیر مشگ الیمده سو اولیدی
لب تشنه اوشاقلارین یانندا
اول سو منه آبرو اولیدی
بو خدمت اولیدی قارداشوین
سرمایه افتخار الینده

میدانه نچون گلنده گوردوم
عطشاندی بنات فاطمیه
من فکریمون آردیجه دولاندیم
بیر مشگ سو ایلدیم تهیه
تا خیمه لره گلنده اولسون
الده بالا قیزلارا هدیه
گورموم قوروموش سو جامی بیرده
اطفال سمن عذار الینده

بو خسته وجودیمی سراسر
قارداش سپر ایلدیم سهامه
دوزدوم نقدر یارا یتشدی
بلکه یتورم سوئی خیامه
گیتدی ایکی اللریم سو اوسته
ویردیم گنه سعیمه ادامه
حفظ ایلدی قارداشون سو مشگین
تا واریدی اقتدار الینده

مشگیمدن او اوخ که رد اولوردی
آغوشه باسوردوم آرزو تک
مصروفیدی حفظ مشگه فکریم
کسب ایلدیقیم بیر آبرو تک
بو عزمیمی دل بولوردی واجب
انجام فرائضه وضو تک
افسوس پوزولدی بو مرامیم
بیر مرتد و پست و خوار الینده

جسممده کی یاره لرایده لر
بو نکته نی مو به مو حکایت
حفظنده سو مشگینین برادر
عباسده اولمیوبدی غفلت
رد اولدی بیر اودلی اوخ گوزیمدن
سو مشگینه ایلدی اصابت
قلبیم کیمی یاندی قانلی مشگیم
او ناوک پرشرار الینده

متن پیشنهادی:  قانون آخدوقجا یوزه زلف مطرّادن اوغول #اکبریه_یتیم_تبریزی

اوخ اونداکی دگدی مشگه ایکاش
بو عالمی تارمار اولیدی
یا چشم پر اشگمه دگیدی
یا مشگدن اوخ کنار اولیدی
اطفال نه تشنه لب قالیدی
عباس نه شرمسار اولیدی
یا قارداشوین قالیدی قارداش
اولده کی اقتدار الینده

سو آخدی دئمم که گیتدی الدن
سرمایه عمر جاودانی
هر قطره سینون بها و قدری
مین چشمه آب زندگانی
تیر ایلدی مشگی پاره بولمم
یا دست قضای آسمانی؟
بازوی عدوده وار بو قدرت
یا گنبد کجمدار الینده؟

سودائی جذبۀ محبت
افتادۀ فرقت نگارم
دل سوخته شرار هجران
رنجور غم فراق یارم
یوخ شوقیمه انتها که ایندی
سر منزل یاره رهسپارم
جان نقدی ایکی کسوک الیمده
بیر تحفه دی یاره یار الینده

قارداش سویا من اولاندا مالک
سس دوشدی قوشون آرا سراسر
عباس فراته صاحب اولدی
بو سسله بو دشت دولدی یکسر
مطلق بولورم که خیمه لرده
آلدی بو سسی بنات حیدر
بولدی هاموسی سو اختیاری
واردور من دلفگار الینده

تا منتشر اولدی خیمه لرده
بو مطلبی بولدی آل طاها
سو مژده سی ویردی بیر بیرینه
اولدی هامی انتظار سقا
سقانی ولیک یخدی آتدان
سو اوسته سوسوز گروه اعدا
بولم قوروموش سو جامی قالموش
اطفالوین انتظار الینده

متن پیشنهادی:  صبح اولدی جمال یاره گوندر صلوات #مصیبی_تبریزی

سو اولمادی تشنه قیزلاروندان
دنیاجه من اولموشام خجالت
گلسن یارالی جنازم اوسته
ایتسن منه رافت و عنایت
حمل ایلمه نعشیمی خیامه
ای آیت لطف بی نهایت
گورموم داخی اصغرون سوسوزدان
گریاندی رباب زار الینده

شرمنده لیقیم گچوبدی حددن
قارداش یتشوبدی انتهایه
شامه کیمی فرط خجلتیمدن
باش قوزامارام سر جدایه
تا دوشمیه چشم خونفشانیم
رنگ رخ آل مصطفایه
مشگلدی گورم که تشنه لیقدان
گللر سارالوبدی خار الینده

بو شرح غمی یازاندا «عاصی»
چون یازدی خلوص نیتیله
پیرامون دامنی اودور که
اسلاندی سرشگ حسرتیله
گوگلی گنه ببر زیارت ایستر
باشنده اولان جماعتیله
بو نوحه وسیله تمسک
اولموش بو گناه کار الینده

ای پور غیور شیر داور
وی باغ شجاعتین نهالی
سندنصورا دستگیر اولوندی
دشمنلره قارداشون عیالی
تقدیر قضائیدی که دوتسون
بیر اوزگه محاق او مه جمالی
تا گورمیه سن حیالی زینب
اشرارین اولوب دچار الینده

#عباسیه_شهادت
#قارداش_یارالی_باشیم_قالوبدور
#ترکی

✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی