زبانحال حضرت صغری (س)
.
#زبدةالاشعار
.
: @nohe_torki
.
#سبک_دل_شب_ایلیوب_سفر
.
مرحوم تقایی اردبیلی
.
صبا خبر وئر اکبره ئولور بو باغریقان باجون
باخور او سن گئدن یولا همیشه ناگران باجون
.
.
نه ال چاتور کچن زمان گلوب گئدن قوناقلارا
نه اوندا دوره می آلوب دیوب گولن اوشاقلارا
اوجادان آغلیاندا من سسیم دوشور اطاقلارا
قاپوسی باغلی ائولره باخوب ائدر فغان باجون
.
.
ستمله گلستانیمه خزان یلی اسیلدی گل
نه بیری گلدی دیدیمه نه گوز یاشیمی سیلدی گل
کوچوب گئدوبدی طایفامیز امید ائویم کسیلدی گل
بوش ائولرون بوجاقلارون ائدوبدی آشیان باجون
.
.
آلوب مرض وجودیمی بو ائوده اشکریزووم
آناسیزام آدامسیزام دئمم سنون عزیزووم
سنی رقیه نون جانی خیال ایله کنیزووم
اقلی نامه یاز اولا وطنده شادمان باجون
.
.
کچن گیجه یوخومدا من بلالی صحنه گورمشم
دیلیمده گلمیور دیم او صحنه ده نه گورمشم
گیوب بنات فاطمه لباس کهنه گورمشم
نئجه دوزر بو صحنیه سنون علیل اولان باجون
.
.
نئجه دیوم بو قورخلی یوخی پوزوب اساسمی
آلوب او غملی منظره باشیمداکی هواسمی
یارالی حالیله آلوب بابام قوجاقه قاسمی
حنا یرینه زلفینه یاخوردی لخته قان باجون
.
.
شدید ایدوبدی دردیمی سوزون بودور اشاره سی
بی بیم دیوردی گَلنیمون آلندی گوشوارسی
گلین قاچوردی چوللره ولی قولاقدا یاره سی
او سسلنوردی وای بابا اونا دیردی جان باجون
.
.
دیدوم بو طویدی آغلیور نیه بو طویدا چوخلاری
نه علته طوی اهلینون لباس تازه یوخلاری
سریه شمع تک دوتوب الینده قانلی اوخلاری
یانوردی خیمه چوللره قاچوردی بی گمان باجون
.
.
گوزوم ساتاشدی ناگهان گولون سینان بوداقینه
بچوب بوغازین اصغرون چاتوبدی تا قولاقنه
کوسوبدی گتمیور اودا آناسینون قوجاقنه
گوروبدی غملی عرصه ده بو نوعی داستان باجون
دیدوم کی گورسم اکبری بو قلب زاری دینجلی
دوتوبدی توسدی عالمی گوزومده گورمدی علی
نقدری سسلدیم علی سنی تاپانمادیم ولی
گوزون قاداسی قلبیمه اولوبدی ناگران باجون
.
.
.
#حضرت_صغری #تقایی_اردبیلی
#صبا_خبر_وئر_اکبره_ئولور_بو_باغریقان_باجون
#ترکی
.
#زبدةالاشعار
.
: @nohe_torki
نظر دهید