گلدی بهار بلبل اولوب گللر عاشقی #راه_شام_حزین_طارمی

راه شام
.
✍️ زبدة الاشعار ✍️
.
?: @nohe_torki
.
مرحوم حزین طارمی
.
گلدی بهار بلبل اولوب گللر عاشقی
من اولموشام زمانه ده بیر دلبر عاشقی
.
مژگان اوخون کمانه قویوب آتما سینمه
ئولدورمه ای نگار وفا پرورعاشقی
.
یاقوت پر بها اولا دنیا من ایستمم
اهل خرد بُلولّه منم حیدر عاشقی
.
پروانه نار شمعه یانا یوخ مذمتی
والله سالار بلایه محبّت هر عاشقی
.
ایستر آنا بالاسینی هر باجی قارداشین
اما سکینه ایله رباب اصغر عاشقی
.
شامین یولوندا بیر گئجه گوردی خانم رباب
آغلار هَزار وار گل احمر عاشقی
.
گوردی سکینه یوخلیوب اما سسی گلور
اوخشار فصاحتیله قرا معجر عاشقی
.
آغلار دیر قوجاقیمه گل ای گل تریم
واللهی یاندیرور او مَلَک منظر عاشقی
.
اُول دَم سکینه نی اویادوب خوابیدن رباب
سو یلوبدی بیله آغلاما ای اصغر عاشقی
.
ای مهربان قیزیم بیله قلبین یانور مگر
لیلا کیمی اولوبسان علی اکبر عاشقی
.
عرض ایلدی آنا یوخودا گوردوم اصغری
اولدوم دوباره قانه باتان حنجر عاشقی
.
آلموش آتام قوجاقینه باغ بهشتیده
نازین چکر نه نازیله اول داور عاشقی
.
گوردوم او خردا قارداشیم آرام دوتموری
امر ایلدی آتام منه ای غملر عاشقی
.
گل آل قوجاقه اصغری لایلای دئ بیر زمان
عالمده خردا قارداش اولور خواهر عاشقی
.
آلدیم قوجاقه جوشه گلوبدور محبتیم
غملی اؤرک اولوب یارالی سوزلر عاشقی
.
لایلای دئدیم دوداقیمی قویدوم دوداقینه
اولماز او لبلرین اؤپَنی کوثر عاشقی
.
محشر گونی جهنم اودوندان صدا گلور
یاندورمارام «حزینی» اودور اصغر عاشقی
.
.
.
#راه_شام
#گلدی_بهار_بلبل_اولوب_گللر_عاشقی
#حزین_طارمی
#ترکی
.
✍️ #زبدةالاشعار ✍️
.
?: @nohe_torki