صبر قیل باجی بو چولده گلمه ناله و فغانه #ورود_کربلا_کاتب_اردبیلی

ورود به کربلا
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک
.
مرحوم کاتب اردبیلی
.
صبر قیل باجی بو چولده گلمه ناله و فغانه
ئولمیوب هله اباالفضل اول دلاور یگانه
آغلاما عزیزه خواهر
ایلمه منی مکدّر
بیدقیم گوگه اوجالمیش
ساغدی یادگار حیدر
.
.
هرقدر علم دوتوبدور باشیم اوسته اول هنرور
یوخدی خصمدن هراسیم یر یوزینی دوتسا لشکر
اهل کوفه گوز تیکوبدور بیدق حسینه یکسر
یاتماسا علم گتورمز کیمسه ظلمینی عیانه
.
.
زینبا فغانه گلمه ساغدی اکبریم بو چولده
دوره می آلوب تماماً یار و یاوریم بو چولده
ظلم الیله سولمیوبدور تازه گللریم بو چولده
یتمیوب غم ائتمه فرصت اول گروه کوفیانه
.
.
بیر زمان اولور بو چولده دردوی فزون ائده للر
اول وفالی قارداشیمی باجی غرق خون ائده للر
قوللارین سالالار اعدا بیدقین نگون ائده للر
نهر علقم اوسته مشگی اوخلارا اولور نشانه
.
.
آغلا بیر زماندا باجی دوغرانور علیّ اکبر
هم اولور نشان پیکان حلق شیرخواره اصغر
بیر نفر بو چولده قالماز من غریبه یار و یاور
دشت کربلاده قانلار سیل تک اولور روانه
.
.
قاسمه طوی ایلرم من بو زمین نینواده
یتمه میش مراده باجی شوقیلن گئدر جهاده
دوغرانور او تازه داماد پیکری قالور آراده
آغلاسن دونر او گونده الده طوى حناسی قانه
.
.
آغلا اول زماندا باجی اود ویرالّا بو خیامه
سیزده دستگیر اولارسوز ظلم الیله اهل شامه
کاتبیم دوتار غمیمده روز و شب الینده خامه
شرح ائدر مصیبتیمدن آغلار اکبر جوانه
.
.
.
#صبر_قیل_باجی_بو_چولده_گلمه_ناله_و_فغانه
#ترکی
.
✍️ #زبدةالاشعار ✍️
.
🆔: @nohe_torki