زبدةالاشعار

صفای باطن آختارسان دولان ایمان اولان یئرده #پندیات_سدید_هریسی

رسالت حکمی
پندیات
#گریز به #عباسیه_شهادت
#اصغریه_شهادت
.
✍️ زبدة الاشعار ✍️
.
🆔: @nohe_torki
.
سدید هریسی
.
صفای باطن آختارسان دولان ایمان اولان یئرده
دیانت بللی دیرمعیار اولارقرآن اولان یئرده
.
رضای خالیقی هرکیم نظرده آلسا هرایش ده
پشیمان اولمازاوحتی اونا خسران اولان یئرده
.
ادب دیر اؤلچؤسی ممتازائدن انسانی انسان دان
شرافتله یاشارانسان اؤزی اینسان اولان یئرده
.
اوانسانه مرید اول کی دؤزر یؤز محنته اما
زره زوره باشین ایمز شرف میزان اولان یئرده
.
اگرمال ومنالین وار اونودما یوخسولون حالین
دعالر بی ثمرقالماز،گولوم،احسان اولان یئرده
.
همیشه جهدائله دوستون الیندن دوت یامان گؤن ده
ولیکن امتحان ایله اونو امکان اولان یئرده
.
هوای نفسه هرکیم غالب اولسا اهل تقوادیر
آماندیرچاشمایول دان معصیت آسان اولان یئرده
.
بوفانی دهریده بئل باغلاماهرآلچاق انسانه
یقین بیل کی یئخاربیرگون سنی بحران اولان یئرده
.
شعوره باغلی دیرآنجاق حیا تین اصل معناسی
اینان کی دیغلارانسان همدمی نادان اولان یئرده
.
عبث فیکرایله مه عالم لرین هچ یوخدی گمراهی
روایت لردن آل بومطلبی برهان اولان یئرده
.
یولون آزمیش مسلمانلار حسینه اولدولار،یاغی،
شریح قاضی صاحب منصب دیوان اولان یئرده
.
هدف ذکرمصیبت دن رسالت حکمی دیرذاکر
قیام کربلا اهدافین آچ بهتان اولان یئرده
.
عزاسینداحسینه آغلاماق عین عبادت دیر
کلیدباغ جنت دیربیزه نیران اولان یئرده
.
یاراندی کربلاده مین بلاچون آل طاهایه
امامت حیله وتزویریله کتمان اولان یئرده
.
رذالت قومی صف چکدی حقیقت روبروسوندا
یزیدرذل امیرالمؤمنین عنوان اولان یئرده
.
قیزیل قانیله عاشورا گؤنی ثبت اولدی تاریخه
قلم شمشیر دفترجان مرکب قان اولان یئرده
.
کسیلدی بیربه بیریئتمیش ایکی باش تشنه صحراده
قیزیل قانه بویاندی جسمیلرالوان اولان یئرده
.
دیلیم عاجزدی شرحیندن نه نوعی ایله ئیم عنوان
سوسوزجان وئردیلرنهرفرات آلقان اولان یئرده
.
فراتین آدی ذهنیمده ابوالفضلی سالیریاده
ائدم تشریح آلامین اونون عدوان اولان یئرده
.
یاریب قلب سپاهی یول آچیب فتح ایله ئیب نهری
سومشگین دولدوروب بیرفرصت شایان اولان یئرده

متن پیشنهادی:  فراقوندا دونوبدور گوگل قانه اوغول گل #رضویه_تائب_تبریزی

کیم اولسیدی ایچردی مختصرآب گواردن
اولارفع عطش بلکه اونا امکان اولان یئرده
.
ایکی اوجون سودان دول دوردی اوسقای لب تشنه
ولیکن ناروابیلدی ایچه عطشان اولان یئرده
.
دئدی آیانئجه سیراب اولوم اهل حرم قالسین
عطشدن خیمه لرده آهیله افغان اولان یئرده
.
قونوتون آچدی سوآخدی یئره عزم خیام ائتدی
فتوت حکمونه رفع عطش آسان اولان یئرده
.
آلیب اطرافینی لشکریاغیب هرسمتیدن اوخلار
سپاه دشمنه فرمان تیراعلان اولان یئرده
.
ازلده اوخلانیب مشگی اولوب مأیوس اونام آور
سوآخدی مشگیدن امیدائوی ویران اولان یئرده
.
تیکیلدی جسمینه مشگی اولوب آماج تیرازبس
گؤزی یولدا قالان گؤزلر اونا گریان اولان یئرده
.
چکیلدی مسلخ عشقه اوسردارین سرانجامی
اوزون قول لاری حق اثباتینا تاوان اولان یئرده
.
اوقدری ووردولاریاره چیخیب شکل وشمایل دن
آشیب حددن شقاوت کینه دن عصیان اولان یئرده
.
چاتیب مقصوده چون سیراب اولوب شهد شهادتدن
قالیب اهل حرم گریان اؤرکلرقان اولان یئرده
.
حسینین کؤرپه سربازی ال اؤسته گلدی میدانه
عطشدن کام آلا اؤچ شعبه لی پیکان اولان یئرده
.
سپاه دشمنه بیرآیری حالت اؤز وئریب گویا
ائدیب تأثیرچون بعضیلره وجدان اولان یئرده
.
وئریب فرمان تیری ناگهان فرمانده لشکر
زهین چکدی کمانین حرمله پنهان اولان یئرده
.
مجسم ایله ئین اؤچ شعبه اوخ بیر کؤرپه یه نیلر
خصوصأ اوخ بوغازیندن ده یه عطشان اولان یئرده
.
الهی بیلمیرم آیااو گؤل دن بیر اثر قالدی
و یا سوورولدی گؤل تک گؤل بوغاز شان،شان اولان یئرده
.
بوغازیندان آخان قاندان آتاسی دولدوروب اووجون
هوایه سپدی عرش اهلی اوناگریان اولان یئرده
.
دئدی یارب قبول ایله وفای عهدیمی مندن
نه قابل دیربیزیم جانلارسنه قربان اولان یئرده
.
ائدیب رازونیازین عازم اولدی قانلی میدانه
ولی بیرتیغ نیلرمین قمه قلخان اولان یئرده
.
زمان چوخ چکمه دی اول نابرابر جنگیده دشمن
ظفرطبلین چالیب قانلارآخیب عمان اولان یئرده
.
منای عشقیده یارب حسینین کسدیلر باشین
یارالی پیکری اؤزقانینه غلطان اولان یئرده
.
شقاوت حدیدن آشدی اوجالدی گؤیلره شیون
شرارت پیشه بیرقومه گنیش میدان اولان یئرده
.
دؤنؤب وحشییته خولردؤشؤبلر وحشته قیزلار
الینده قمچی ظالیم رحمسیز دوشمان اولان یئرده
.
سدیدا باغلا بوغمنامه نی تاریخی ائت رؤیت
کی هرظلمؤن بناسی سست اولار بنیان اولان یئرده
.
#پندیات
#صفای_باطن_آختارسان_دولان_ایمان_اولان_یرده
#سدید_هریسی
#ترکی

متن پیشنهادی:  باشون اوسته گلدیم مدینه دن یانه یانه زندانه ای بابا #کاظمیه_صحاف_تبریزی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی