زبانحال حضرت سیدالشهدا ( ع ) به جبرئیل
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
.
محمد رضا صادقی
.
شهپرون چک باشیم اوستن سن بو ساعت جبرئیل
ایلیوم معبودی بی پرده زیارت جبرئیل
.
.
گئت کناره عرشیده داداره دوشسون گوزلریم
شهپرون چک تا رخ دلداره دوشسون گوزلریم
راضییم جان چیخسون اما یاره دوشسون گوزلریم
گورما معشوقی واردور منده نیت جبرئیل
.
.
گئت کناره صحبت یاره نیازیم وار منیم
قلبیده چوخ قولِ پرسوز و گدازیم وار منیم
مانع اولما یاریله بیر آیری رازیم وار منیم
رغبتیم وار ایلییم یاریله خلوت جبرئیل
.
.
گرچه سن لطف ایلیوبسن گلموسن داده بوگون
پربلا یرده منی سن سالموسان یاده بوگون
یتموسن بو غملی حالیمده سن امداده بو گون
قویموسان بو لطفیده زهرایه منت جبرئیل
.
.
گئت کناره جبرئیلا من بو حالتده خوشام
سن پریشان اولما معشوقیله خلوتده خوشام
محضر جانانیده حال جراحتده خوشام
نیتیم واردور تاپا کثرت بو وحدت جبرئیل
.
.
گئت کناره قوی بو قلبیم نار غمدن اودلانا
عرش و فرش اهلی منیم احوالیمه دلدن یانا
کیمسه وارمندن صورا بو محنتی آسان سانا؟
وار منه بو حالیده بیر آیری لذت جبرئیل
.
.
گرچه دوشموش جانیمه سوز عطشدن بیر شرر
گرچه اولموش بو مکاندا اهلبیتیم دربه در
لیک بو احولیمه معشوق اوزی سالموش نظر
اول سببدن سهل اولور درد و مصیبت جبرئیل
.
.
گئت کناره خلوت ایله سن منه بو خانه نی
گرچه ویران ایلیوبدور شامیان کاشانه نی
یولدادور زهرا گلوب آباد ائدر ویرانه نی
قصدی واردور ایلیه مندن عیادت جبرئیل
.
.
ممکن اولسا جبرئیلا گئت دولان بو چولری
قارداشیم عباسی تاپ بیرده علی اکبری
بس که عدوان چوخ یوربدور اول ایکی مه پیکری
سایه سال ائتسونله بیر آزاستراحت جبرئیل
.
.
بیرده ممکن اولسا گئت باش چک عیال حیدره
بیر نظر سال خیمه لرده اهلبیت اطهره
لطف ایله قیزلاریمه قوی منتون پیغمبره
زینبه بو غمده سن ایله شراکت جبرئیل
.
.
بیر شب جمعه توسل ایلدی « #شیدا » منه
سوزده غرق اولموشدی لطفیله یتوردوم ایمنه
ایلدوم انشا اونا یازدی بو اشعاری سنه
ور نه یوخدور خامه سینده بوفصاحت جبرئیل
.
.
#حسینیه_شهادت
#جبرائیل_در_قتلگاه
#شهپرون_چک_باشیم_اوستن_سن_بو_ساعت_جبرئیل
#ترکی
.
✍️ #زبدةالاشعار ✍️
.
🆔: @nohe_torki
نظر دهید