مدح حضرت امیرالمؤمنین، مولی الموحدین علی ابن ابیطالب (ع)
.
زبدة الاشعار
?: @nohe_torki
.
شاهی اردبیلی
.
طلعتون تارک معراجده تاباندی علی
قاب قوسین ئوزیده قدروه حیراندی علی
.
سر و جان و تنی نیلور او که عاشقدی سنه
ایکی زیبا قاشوا هر اوچی قرباندی علی
.
بیر ردیفه دوزولوب لشکری کیپریکلروون
او ردیفه یاراشان قافیه قرآندی علی
.
بش نبی عشقویلن دولدوروب احسان قدحین
دورد ملک مصطفوی سفروه مهماندی علی
.
نصف شب سجده‌ده هاتفدن ائشتدیم که دیور
سنی مرآت ائلین روحینه، سبحاندی علی
.
قرنلردور که ائدوب خنجروون برقی غروب
عمرلردور که عدالت اورگی قاندی علی
.
عالمین ملکینه بیر مالک اشتر گوندر
باطل اجرالر الیندن اورگیم یاندی علی
.
«شاهیم» من بالاوون مرثیه‌خوان نوکریم
رهبریم مرشدیم اول مالک و منّاندی علی
.
گرچه مورم سیزه وابسته‌یَم ای میر اُمم
سیزه وابسته اولان مور، سلیماندی علی
.
نیه باج ایستمسون یدّی سمادن اورگیم
اللّی ایلدور بو سینیق قلبده سلطاندی علی
.
#حیدریه_مدح #حیدریه
#طلعتون_تارک_معراجده_تاباندی_علی
#شاهی_اردبیلی
#ترکی
.
#زبدةالاشعار
?: @nohe_torki
نظر دهید