آوردن جنازه حضرت علی اکبر(ع) به خیمه گاه
زبانحال حضرت سید الشهداء به خواهرش
.
✍️ #زبدةالاشعار ✍️
.
🆔: @nohe_torki
.
اشکی تبریزی
.
.
دولدوروب نالم باجی بو غم فزا صحرانی گل
من گتوردوم اکبری سنده گتور لیلانی گل
.
.
ای بلاکش لر آناسی دخت زهرای بتول
وئرموشم جانانه قربان اکبریم تک بیر اوغول
سنده قیل بو زحمتی باجی حسینوندن قبول
خیمه دن دیشره گتور اول خانه سی ویرانی گلی
.
.
میوۀ دلدور منه بو نوجوان ماه رو
حُسنده جدّیم رسول اکرمه مظهردی بو
ایلیوب صد یاره جسمین بو سپاه کینه جو
گوئیا اوراق ایدوبلر مصحف قرانی گل
.
.
گورموسن گلشنده بیر صد برگ گل خندان اولار
جور خاریله طراوتدن دوشر رنگی سولار
ایله بیر رنگی سولان خندان گله تشبیهی وار
گورماقا بیر دسته صد برگ گل خندانی گل
.
.
بو جوان بنزردی چوخ جدّیم رسول داوره
باشدا کی یاره ایدوب وارث باباسی حیدره
حسنده آئینه دور گر چه باجی پیغمبره
گوسترور هم مرتضانی هم شه بطحانی گل
.
.
باشینه منقذ ووران یاره ایدوب بی حد اثر
لخته قانیله قویوبدور باشینه تاج ظفر
برملا تجدید اولوبدور معجز شق القمر
گوئیا جدّیم ایدوب منشق مه تابانی گل
.
.
هر گُلین بیر عطری وار رسم گل و گلشندی بو
بو گل گلزار جنّتدور وئرور بیر ئوزگه بو
ارغوانی رنگی وار چونکه ایچوب قانیله سو
گل گتور لیلا کیمی بیر بلبل شیدانی گل
.
.
میوۀ نخل وفای عمریمی من درمیشم
تحفۀ لیلانی بزم یاریمه گوندرمیشم
خاطرین ظاهرده مجنونه بو گون دوندرمیشم
باطناً خرسند ایدوب لیلا آنام زهرانی گل
.
.
هاجره زیبنده دور گر ائتسه لیلا افتخار
قلب هاجرده مگر بو صبر و بو آرام وار
گورمیوب لیلا کیمی مادر بو چشم روزگار
دینه قربان وئرسون اکبر تک عزیز جانی گل
.
.
من بونی بیر حالیله گوردوم گیدوب آرام دل
جان ویروردی خاک و خون ایچره یوخیدی لیک دیل
گلموری دیز ، ناقۀ صبریم اولوبدور پا به گل
گوز یاشیم ایله آخور ایلور خجل بارانی گل
.
.
وئر خبر گیسون قرا لیلای غم پرور باجی
پیشواز ائتسون گلور اوغلى على اکبر باجی
عترتیم چخسون کناره خیمه دن یکسر باجی
چون گتوردوم پاره پاره مظهر طاهانی گل
.
.
غرق اولوبدور اکبریم ظلمیله قان دریاسینه
من باخوب اودلانموشام بو چاک چاک اعضاسینه
سنده گل لیلائیله شبه پیمبر یاسینه
اشگیله پاک ائتماقا بو چاک چاک اعضانی گل
.
.
محنت اکبر آلوب صبر و قرارون برملا
من دیمم هرگز بو غم ده ائتمه شیون آغلاما
ناله قیل فریاده گل دوت اکبره یاخشی عزا
زلفوی یولما سنی زهرا آنامون جانی گل
.
.
« اشگیا » بو نوحه ده تشویق قیلدی « اتحاد »
عرض قیلدی اکبرین بو ماجراسین ایله یاد
شاه دین اپلر عطا دلده واروندور بو مراد
روز محشرده دیر نوکر سُور آقانی گل
.
.
.
#اکبریه_اشکی_تبریزی
#اکبریه_شهادت
#دولدوروب_نالم_باجی_بو_غم_فزا_صحرانی_گل
#ترکی
.
✍️ #زبدةالاشعار ✍️
.
🆔: @nohe_torki
نظر دهید