صبح عاشورا و جنگ مغلوبه
.
✍️ #زبدةالاشعار ✍️
.
🆔: @nohe_torki
.
علومی تبریزی
.
ظلمت گئجه پایانه یتیشدی سحر اولدی
آل اللهین آسایشی چوخ مختصر اولدی
.
گون چخدی ولی کاش او گون ظلمت اولیدی
نه لشگر اشراریده او جرئت اولیدی
.
پیغمبرین اوغلی نه اوگون قانه باتیدی
نه عالم اسلامیده بو محنت اولیدی
.
ئولدورماقا آل اللّهی صفلر دوزه لیدی
دشمنده نه بو کینه لره فرصت اولیدی
.
سعد اوغلی اوزی لشکره بیر ایتدی تماشا
ظالمده خدایا نه ایله قدرت اولیدی
.
نه بیر اوخ آتیدی او دنی سمت امامه
نه تابع اونا لشگر بی غیرت اولیدی
.
نه منكر اولیدی حقه قرآن اوخیانلار
نه ظلم ایدن اسلامه آدی امّت اولیدی
.
ایکاش یانیدی اودا شیعه بو جهاندا
پیغمبرین اولادی ولی راحت اولیدی
.
دشمن ایلین دمدده هجوم آل رسوله
دنیا یتشوب باشه جهان ظلمت اولیدی
.
پیغمبرین اوز امّتی شمشیر اله آلدى
ایکاش او امّتده بیر آز دقّت اولیدی
.
آثار حقیقت یوخیدی قلب لرینده
تشریحنه ایکاش بیر آز فرصت اولیدی
.
.
باشلاندى جدل شور و نوا عرشه دایاندی
اصحاب حسین لاله کیمی قانه بویاندی
.
.
ظلمیله یتوب آفته گلزاری حسینون
بیر عدّه شهید اولدی وفاداری حسینون
.
جان ویردی وهب گئتدی حبیب ابن مظاهر
عابس بویانوب قانه او غمخواری حسینون
.
ئولدوردی زهیری او بیابانیده دشمن
قانه بویانوبدی هامو انصاری حسینون
.
جان نقدی هامو الده گیدوب آلدی شهادت
داد و سَتَدَه گرمدی بازاری حسینون
.
ایلوردوله سبقت آلالا فیض شهادت
باشدان گچن اول جمع هواداری حسینون
.
قویموردولا بیر کیمسه او گون آل علیدن
میدانه گیده وار نه گوزل یاری حسینون
.
هر تک تکی آتدان یخلوب صون نفسینده
مقصوده یتردی اونی دیداری حسنیون
.
اوز نفسلرین ایتدیله قربان حقیقت
بُلمم نیه درک ائتمدی اشراری حسنیون
.
.
.
.
#عاشورا #اصحاب_الحسین #علومی_تبریزی
#ظلمت_گئجه_پایانه_یتیشدی_سحر_اولدی
#گون_چخدی_ولی_کاش_او_گون_ظلمت_اولیدی
#باشلاندى_جدل_شور_و_نوا_عرشه_دایاندی
#ظلمیله_یتوب_آفته_گلزاری_حسینون
#ترکی
.
✍️ #زبدةالاشعار ✍️
.
🆔: @nohe_torki
نظر دهید