یارب گل غنچه وقتینده سولوبدی #اصغریه_عدلی_تبریزی

زبانحال حضرت رباب علیها سلام
.
✍️ #زبدةالاشعار ✍️
.
🆔: @nohe_torki
.
#سبک_ایران_اگر_دل_تو_را_شکستند
.
حاج اصغر فرشچی (عدلی تبریزی)
.
یارب
گل غنچه وقتینده سولوبدی
قونداقی قانیلن دولوبدی
چوخ ظلم ایدوب اوچ پرآتان اوخ
قانین توکوب پرپر اولوبدی
.
.
یارب
سُها کیمی بالام باتوبدی
هم آج همی سوسوز یاتوبدی
بیر سور امر دلسیز اوشاقه
بو اهل کوفه اوخ آتوبدی
.
.
یارب
بلشدی قانه ماهپاره
باتوبدی مِهر و مَه ستاره
اسوب بو چولده صرصر ظلم
ویروبلا یاره اوسته یاره
.
.
یارب
دیار غمده گر غریبم
اورک یارادی بی طبیبم
بو نهضت اوسته ویرمدیم جان
ولی مرامه هم نصیبم
.
.
جانان
ویرنده قان او اوخ یاراسی
کسیلدی جسمیدن قواسی
کسیلمیوب او آغلاماقلیق
قولاقیمه گلور صداسی
.
.
امّا
یتوشموری بو غم تمامه
ایشیق گونوز دونوبدی شامه
ویروبلا باشلاری سِنانَه
اسیر لر گیدورله شامه
.
.
جانان
چکوبدی نظمه بو بیانی
فدا اولا بو دینه جانی
او اهلبیته خادم (عدلی)
ایدر حسینه نوحه خوانی
.
.
#اصغریه_شهادت
#یا_رب_گل_غنچه_وقتینده_سولوبدی
#اصغریه_عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki