شهادت امام جواد (ع)
.
✍️زبدةالاشعار✍️
?: @nohe_torki
.
مرحوم حاج غلامعلی شعاع تبریزی
.
ظلمیله جواد الائمه نی،
امّ فضل مسموم ایدوب بو گون
یاندروبدی زهریله قلبینی،
کائناتی مغموم ایدوب بو گون
.
نه یوزیله بولمم او بی وفا،
بو جفالره جرأت ایلدی
معتصم او بی ننگ و عاریله،
قتلینه اونون شرکت ایلدی
ویردی زهر کینه او سروره،
گوزده گوندوزون ظلمت ایلدی
اوز جفای بی منتهاسینی،
اهل دینه معلوم ایدوب بو گون
.
گر دیسم نه نوعیله اول شهی،
ایلیوبدی مسموم او بی حیا
وار نه منده قدرت یازام اونی،
وار نه سنده طاقت ایشتماقا
ایلورم فقط #مجلسی یازان،
ماجرایه بو یرده اکتفا
چون بولور هامی ظلمیله نجه،
اول غریبی مسموم ایدوب بو گون
.
وار نچه خبر الده لیک من،
ایستورم بیرین ایلیم بیان
بیر خبر ده وار یازمارام اونی،
لال اولا دلیم ایلسم عیان
ایلورم امام زمانیدن،
من حیا او سلطان انس و جان
چون اؤزی بولور جدینی نجه،
اهل کینه مظلوم ایدوب بو گون
.
وار یری بو غمده او قدر من،
آغلیام دوشه نوریدن گوزوم
زهریله یانان قلبینه اولام،
هم بالالاریم هم فدا اؤزوم
#مجلسی یازار ویردیلر اونا،
ظلمیله عدو زهر دار اوزوم
قلبینی خدنگ جفائیله،
اؤز عیالی مصدوم ایدوب بو گون
.
باغلادی قاپونی او بی وفا،
قویدی تک وصیّ پیمبری
یالقوز ایوده قالدی سیزیلدادی،
دولدی اشک حسرتله گوزلری
ایلدی اثر زهر کین دوتوب،
اود آلیشدی یاندی جگرلری
پیشوای دینی حیاتدن،
دست ظلم محروم ایدوب بو گون
.
اگلشوبدی بیر گوشه ده غمین،
عرض ایدردی ای خالق جهان
شاهد اول اوزون اشقیا منی،
ظلمیله نجه ایتدی باغریقان
اود دوتوب یانار قلب مضطریم،
حالیمه ولی یوخدی بیر یانان
دلده کی غم بی شماریمی،
امّ فضل مکتوم ایدوب بو گون
.
نازنین وجودیندن ایلدی،
سلب بو جفا تاب و طاقتین
شدت ایلیوب زهر دم به دم،
آرتروب اورکده حرارتین
قلبینه شراره سالوب عطش،
نور چشم شاه ولایتین
عدنده بتولی پیمبری،
بو محنده مهموم ایدوب بو گون
.
پارچالاندی لبلر اورک یانوب،
ویرمدی امان سوزش عطش
یاندی لبلریم بیر ایچیم منه،
سو ویرون بویوردی او ماه وش
گوردی بر کنیز آز قالور ایده،
شدت عطشدن او شاه غش
اشک چشمیله گل عذارینه،
غملرینی مرقوم ایدوب بو گون
.
دولدوروبدی بر جام سو کنیز،
تا گتوردی ویرسون او سروره
امّ فضل گوردی کنیزیدن،
آلدی جامی توکدی سویی یره
سویلدی جواده سو ویرمیون،
بو گرگدی لب تشنه جان ویره
جنّت ایچره زهرانی دلغمین،
بو ستمله اول شوم ایدوب بو گون
.
حضرت علیّ النّقی ویروب،
سو آتاسینا قیلدی کامیاب
سو ایچوب امام زمان ویروب،
جان ایدوب احبّانی دلکباب
نی کیمی گلوب نالیه اودم،
ایلدی نوا اهل نه قباب
حضرت جواد اهل عالمی،
اوز غمینده مألوم ایدوب بو گون
.
یالقیز ایوده جانانه تاپشیروب،
جان پیمبرین نور دیده سی
باتدی گوردولر مهر برج دین،
دوتدی عالمی ظلم پرده سی
ویردیلر خبر امّ فضله گل،
ئولدی شاه دین گلموری سسی
شاد اولوب او ملعونه بولمدی،
عزتینی مختوم ایدوب بو گون
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
#جوادیه_شهادت
#ظلمیله_جواد_الائمه_نی
#شعاع_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید