فرازی از خطبه آتشین حضرت زینب کبری (س) درکوفه
.
✍️ #زبدةالاشعار ✍️
.
🆔: @nohe_torki
.
علیرضا عباسی (احسان تبریزی)
.
عاشقان عشقین جهاندا قیمتین زینب بیلیب
رمز وراز ین علتین هم حکمتین زینب بیلیب
اوزگه بیلمز بیر حسینون خصلتین زینب بیلیب
اصل اهداف پیام نهضتین زینب بیلیب
اقتدار وعزت وشخصیتین زینب بیلیب
.
.
کیمدی زینب وار جهاندا شهرت و آوازه سی
آدی گلسه هر زمان لرزاندی باطل سازه سی
منطقی اولدی کتاب غیرتین شیرازه سی
خطبه سینده اهل عشقه وار پیام تازه سی
حق کلامنده اثر وار قدرتین زینب بیلیب
.
.
کیمدی زینب عشقینه شیعه اونون دلداده دی
زینبه احسن دیر کیم مکتب مولاده دی
کبم دیور بو شیر زن بیچاره دی افتاده دی
یوخ که حریت کلامندن اونون آزاده دی
معنی مفهومینی حریتین زینب بیلیب
.
.
همتین یکسر ائمه اوزلری تحسین ائدیب
شاه دین برنامه سین یازدی سفیر دین ائدیب
والی سیار شاماته اونی تعیین ائدیب
گر حسین قانی بقای دینینی تضمین ائدیب
لیک اونون اهدا فینین ماهیتین زینب بیلیب
.
.
کوفه ده وردی اولوب فتح مبینین آیه سی
سطوتیندن تتردی ظلمون اساس و پایه سی
قویمادی دین اوستنه دوشسون ظلالت سایه سی
خطبه سی حشره کیمین دینین اولوب سرمایه سی
حق ندور باطل ندور کیفیتین زینب بیلیب
.
.
گر اسیریدی ولیکن حقه او ماموریدی
گورمدی بیر کس یوزون چونکه حجابی نوریدی
آیه های نوریلن گل صورتی مستوریدی
شب پره خصلت جماعت جلوه سیندن کوریدی
قیمتین حجب و حیا و عفتین زینب بیلیب
.
.
اُسکتوا تا که بویوردی زینب یورقون نفس
حبس ائدیبدی سسلری هرسینه ده روحانی سس
اوز یئرینده دوردی انسان ناقه بوینوندا جرس
آسمان کوفه ده پر ورمادی حتی مگس
آتشین سوزده کسر وار صولتین زینب بیلیب
.
.
مصحف خونینی تفسیر ائتدی یورقون حنجری
قدرت نطقه اولوب مغلوب عداوت لشگری
سوزلری سالدی کسردن تیر وتیغ خنجری
فتح ائدیبدی دیللری نطق و لسان حیدری
حیدری نطقین زمان جلوتین زینب بیلیب
.
.
گوردی وضعی کوفه ده بنت علی چوخ ناگوار
اشک تمساحی گوزینده فرقه ی تزویر کار
ایلییر حس ندامت ملت پر ننگ و عار
دوتدی تصمیمین او دم شیر خدایه یادگار
کوفیان بی وفانین نیتین زینب ییلیب
.
.
اول او اللهیلن پیغمبری یاد ایلدی
کوفیانه آمرانه صونرا فریاد ایلدی
خوار ائدیب ظالم لری احبابی دلشاد ایلدی
دین ائوین حشره کیمی عالمده آباد ایلدی
تاپدی دین آیا نئجه امنیتین زینب بیلیب
.
.
سسلدی ای غرق اولانلار منجلاب جهلیده
خوی انسانی که یوخ سیز فرقه ی نا اهلیده
آغلیورسوز آغلاماق اولسون ایشوز هرنسلیده
بیلمدوز الان بیلین مجرمسوز هاموز اصلیده
خلقی غفلتدن آیتماخ ساعتین زینب بیلیب
.
.
توکمیون گوزدن یوزه بیهوده سیز بو گوز یاشین
وورموسوز آیینه ی عرفانه سیز ظلمون داشین
نیزه نین اوسته ووروب سوز حجت اللهین باشین
گورمیوب هئچ باجی عالمده بو نوعی قارداشین
آیریلیق سوز و شرارین حسرتین زینب بیلیب
.
.
نیزه نین اوسته او باش حقدن حمایت ایلیور
ئولمیوبدی زنده دی قرآن دلالت ایلیور
نیزه اوستوندن سیزی حقه هدایت ایلیور
دینمیون ساکت اولون قرآن تلاوت ایلیور
ببلمدوزقاریله قرآن حرمتین زینب بیلیب
.
.
بورداد ور باشی ولیکن پیکری چولده قالوب
کربلاده قوملارین اوسته عزیزیم یئر سالوب
جسمنین یوخ سایبانی صبریمی الدن آلوب
سینه سینده آتلارون نعلی هلال عکسی سالوب
سالدیلار نه حاله حقین حجتین زینب بیلیب
.
.
نالیه واردور یئری حشره کیمی عالم گله
پیکرینده چوخ یارا بی سر دوشوبدی مقتله
گورموشم گودالیده حل اولمیان بیر مسئله
پیکرین آت درناقی پامال ائدیب گلمز اله
گل مثالی پخش اولوبدی حالتین زینب بیلیب
.
.
#کوفه_علیرضا_عباسی
#عاشقان_عشقین_جهاندا_قیمتین_زینب_بیلیب
#ترکی
.
✍️ #زبدةالاشعار ✍️
.
🆔: @nohe_torki
نظر دهید