عاشق عاشق، اولسا یاریندن شکایت ایلمز #حسینیه_سیدبشیرحسینی

#نماز و #حسینچی
.
.
#زبدةالاشعار
.
: @nohe_torki
.
سید بشیر حسینی میانجی
.
عاشق عاشق، اولسا یاریندن شکایت ایلمز
یار یار اولسا مگر یاره کرامت ایلمز؟
.
تاپشوروبدى عترت و قرآنى پیغمبر بیزه
کیم مسلماندور امانتده خیانت ایلمز
.
بو امانتلر بیزه یول گوسترور یاره چاتاق
بیزلرى کیمسه بولار تک دوز هدایت ایلمز
.
اى حسادت ایلین لر، اَلْحسودُ لا یسُود
پس مسلمان کس حسود اولماز حسادت ایلمز
.
شاعر و مدّاح و واعظ باسواد اولسا اگر
ملتى آغلاتماقا جعلى روایت ایلمز
.
کشتی یه تشبیه اولوب آل رسول مصطفی
کیم بولاردان آیرى دوشسه، حق سلامت ایلمز
.
کشتى منجىّ و مصباح ‏الهدى دور چون حسین
هئچ بشرده یوخدى بو قدرت رقابت ایلمز
.
آیه ی کهفى اوخوردى نیزه باشینده، باشى
مُحییِ قرآن مگر قرآن تلاوت ایلمز
.
امر ائدوب قرآنیده اللَّه نمازه بنده ‏سین
رحمتیندن، دور اولار هر کس اطاعت ایلمز
.
اى حسین‏چى! قیل نماز اوّل، صورا ساخلا عزا
روز محشر آغلاماق تنها کفایت ایلمز
.
ایرمى دورد ساعتده بئش وقتین نمازین قیل ادا
بى نمازه آل پیغمبر شفاعت ایلمز
.
کیم حسینه آغلیا، امّا نمازى اولمویا
بیر بئله شخصین دعاسین حق اجابت ایلمز
.
بى ‏نمازیلن دیوب گولمک گناه دی شرعیده
عاقل انسان بى ‏نمازیلن رفاقت ایلمز
.
زینب کبرى ‏نماز شب‏ لرین ترک ائتمیوب
عاشق زینب ‏اولان آیا عبادت ایلمز؟
.
چون عبادتدور حسینه آغلیوب یاس ساخلاماق
دستمازسیز اهل دیل یاسه شراکت ایلمز
.
گر گناهون چوخدى یالوار حضرت عباسه‏ سن
دوتماسون بو دامنى اللَّه عنایت ایلمز
.
چوخ شماتت ائتدیلر قولسوز زمانى عرصه‏ ده
قولسوزا هئچ نانجیب انسان شماتت ایلمز
.
یااباالفضل‏! نوکرون “سیدبشیر”ه قیل نظر
نوکریندن کیم دیور مولا حمایت ایلمز؟
.
#نماز #حسینیه_مدح #پندیات_حسینیه
#عاشق_عاشق_اولسا_یاریندن_شکایت_ایلمز
#ترکی
.
#زبدةالاشعار
.
: @nohe_torki