زبدةالاشعار

عالمده قالمیوبدی صداقت نشانه سی #حسینیه_دخیل

اتمام حجت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
عالمده قالمیوبدی صداقت نشانه سی
نه شرم و نه حیا و نه حرمت نشانه سی
.
من گلمیشم که عزت اسلامی آرتورام
آرتور عوض به عزته ذلّت نشانه سی
.
من هر چه ایستورم که سیزه یاخشیلیق ائدم
سیزدن گلور بروزه عداوت نشانه سی
.
معلومیدور سیزه که بو عالمده بیر منم
نور امامتیله رسالت نشانه سی
.
من گلمیشم محبته اما بودور عوض
یوزمین علم تیکوبسوز عداوت نشانه سی
.
واجب ائدوب اطاعتیمی چون سیزه بابام
آیا بودور رسوله اطاعت نشانه سی؟
.
مشهوریدور دیلّه عرب چوخ غیور اولار
سیزدن ندن گورونموری غیرت نشانه سی؟
.
اوچگون سوسوز قویوبسوز عیال پیمبری
آیا بودور عربده سخاوت نشانه سی؟
.
رنگی قاچوب دوشوب چوخورا گؤزلری تمام
اطفالیمه یتوبدی هلاکت نشانه سی
.
یؤخدور یوزوم که بیرده عیالیم یوزون گؤرم
چون یؤخدی سو واریمدی خجالت نشانه سی
.
بیلدوز نقدر ایلدوز اصحابیمی شهید؟
پیغمبریله شاه ولایت نشانه سی
.
گؤردوم شهید ایلدوز اصحابیمی تمام
یؤخ بو غریبه کیمسه ده نصرت نشانه سی
.
ناچار بیر جوانیمی میدانه یولّادیم
خُلقیله خَلقی ختم نبوّت نشانه سی
.
بیلّم که دؤغراسوز بوجوانی بوغوم بوغوم
یؤخ بیر نفرده رحم و مروّت نشانه سی
.
اکبر یانیندا اصغریمی اؤخلاسوز نه باک
عدلین شفاعتنده شهادت نشانه سی
.
نه ظلم ایلسوز ائلیون،راضیم که چون
اولماز امام اولاندا شکایت نشانه سی
.
عادت اولوبدی همیشه عداوت ائدلّه خلق
هرکیمده اؤلسا خارق عادت نشانه سی
.
اکبر کیمی جوانیمی قیلدیم فدای دوست
هانسی نبی ده وار بو کرامت نشانه سی؟
.
گئتدی باشین قلیجلیالار تا علی کیمی
اولسون باشیندا تیغیله ضربت نشانه سی
.
ناچاردور دچار اولور اهل ضلالته
هرکیمسه ده که اولسا هدایت نشانه سی
.
هرکیم ازل قبول ائلیوبدور ائدر بروز
آخر گونونده صحّت فطرت نشانه سی
.
هر دردمند گئتسه سراغ طبیب ایچون
بی شک تاپار مزاجده صحّت نشانه سی
.
هرنوجوان اطاعت ائده بیزلره #دخیل
واردور ائله جواندا سعادت نشانه سی
.
.
#حسینیه_شهادت
#عالمده_قالمیوبدی_صداقت_نشانه_سی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  داخل اولاندا مسجده اول شاه بی پناه #فاطمیه_قمری

 

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی