عالمه قویدی قدم چون حضرت ختمی ماب #17ربیع_اشکی_تبریزی

میلادیه حضرت خاتم الانبیاء (ص)
.
زبدة الاشعار
.
: @nohe_torki
.
حاج مجید اشکی تبریزی
.
عالمه قویدی قدم چون حضرت ختمی ماب
برج عزّتدن طلوع ایتدی او گون مین آفتاب
.
شمس وحدت ملجإ انوار ذات کردگار
ظاهر اولدی خجلتیندن گون یوزه سالدی نقاب
.
فتح باب فضل و علم ائتماقلقا بو عالمه
گون کیمی برج جلالتدن چخوب امّ الکتاب
.
طور سینا تک جهانی دولدوروبدی نوریله
قالدیلار حیرتده بو انوار حقدن شیخ و شاب
.
لوءلوء گنج حقیقت مخزن علم خدا
ظاهره گلدی خجالتده قالوب درّ خوشاب
.
ساکنان عرش اعلا گلدیلر پابوسینه
یر یوزی مطلق همان گون اولدی رشک نه قباب
.
طاق کسراده اولوب لیل ولادتده شکست
یر یوزینده گورسنوب تغییر اصلی بی حساب
.
خلق اولوبدور گر چه آدمدن قاباق ختم رسل
آخره قالماقدا وار منظور ربّ مستطاب
.
ایستدی عبدیّتی عالملره ویرسون نشان
ایلدی نسل پیمبردن حسینی انتخاب
.
کربلا دشتینده منظور خدا گلدی اله
اوندا که دوشدی تراب اوسته عزیز بوتراب
.
باش یارا سینه یارا اللر یارا پیکر یارا
تشنه لیقدان قلب مجروحی دوتاردی التهاب
.
سجدیه قویدی یارالی سجده گاهین شاهدین
بی نیازه ائتماقا راز، ایلیوبدور فتح باب
.
عرض ایدوب یارب من ایتدیم عهدیمه ایفا بو گون
ائتگیلن اؤز عهدیوه سنده وفا یوم حساب
.
«اشکیا» ساخلا الین یازما حسینین حالینی
اولمادی بُلمم ندور علت او گون عالم خراب
.
.
#17ربیع
#عالمه_قویدی_قدم_چون_حضرت_ختمی_ماب
#اشکی_تبریزی
#ترکی
.
#زبدةالاشعار
.
: @nohe_torki