قانلی بیر قنداقی دوتموش الده شاه کربلا #اصغریه_بیضا_اردبیلی

شهادت حضرت علی اصغر علیه السلام
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم بیضا اردبیلی
.
قانلی بیر قنداقی دوتموش الده شاه کربلا
ایله کی بلبل دوتار گل یاپراقین منقار آرا
.
.
بارماقی آغزیندا حیرتله باخار کرّوبیان
حالینه آغلار او مظلومین زمین و آسمان
باش آچوق سویلر اوغول وای خاتم پیغمبران
نینوا دشتین دولانور نی کیمین ایلر نوا
.
.
قالمیوب باشینده بیر دیّار اولا یار و معین
ئولدوروبلر یار و انصارین قالوب تنها حسین
اکبر صد پاره اولموش زینت روی زمین
ساق دگول عباس نام آور اله آلسون لوا
.
.
گاهی نظاره ائدر حسرتله نحر علقمه
نعش عباسی گوروب غرق اولدی دریایه غمه
تیترینده پرچمی ایلردی دشمن واهمه
قورخمادی عباس ئولندن صونرا هیچ قوم دغا
.
قیلدیلار ادنا رعیّت پادشاهه هلهله
آلدی زهرآلود اولان اوخ بیر الینه حرمله
گلدی آغوشینده شاهون اوخ دگوب برگ گله
گل نسیمه توقوشوب دگدی گله باد صبا
.
.
اصغر آغوشته اولوب لاله کیمین ئوز قاننه
حرمله شومون باسوب ایکی الین پیکاننه
اللری پیکاندا جان تسلیم ائدوب جاناننه
آغلیوب قان اصغرون حالینه شاه ِ کربلا
.
.
دوندروب یوز خیمه گاهه زادۀ ختم مآب
زینب محزونه قیلدی بو طریقیلن خطاب
اولدی سیراب اصغریم پیکان دمیندن ایچدی آب
کئچدی حدّ و حصریدن بو چولده ظلم اشقیا
.
.
بار سنگین گنه «بیضانی» ائتمیش خسته دل
روز و شب هوهو دییه تاپسون ئوزینه بیردلیل
دائما پردور حسین ذکریله شهراردبیل
مخزن اکسیر اعظم کیمیادور کیمیا
.
.
#اصغریه_بیضا_اردبیلی
#اصغریه_شهادت
#قانلی_بیر_قنداقی_دوتموش_الده_شاه_کربلا
#ترکی
.
.
✍️ #زبدةالاشعار ✍️
.
🆔: @nohe_torki