گوروب دل یاراسندان دوباره یارا عبّاس #عباسیه_یحیوی_اردبیلی

رجز – حضرت عبّاس (ع)
.  
✍️ #زبدةالاشعار ✍️  
.  
🆔: @nohe_torki
.
مرحوم یحیوی اردبیلی
.
گوروب دل یاراسندان دوباره یارا عبّاس
دونوب باخدی یر اوسته قلم قولارا عبّاس
.
.
یاراسندن آخان قان وورار لخته توکولمز
عقابی او جنابون ایاقین آتا بیلمز
عمودیله آچوخ باش مجالسده دییلمز
بو گون یوم بلادور سؤزه پرده چکیلمز
دونوب باخدی یر اوسته قلم قولارا عبّاس
.
.
او شهزاده جوانون دوشوب تاجی باشندان
غضبدن او مبارک بدن یکسره لرزان
نه قول وار نه قلج وار گورر دشمنی خندان
بو سس گلدی هوادن آنون فاطمه قربان
دونوب باخدی یر اوسته قلم قولارا عبّاس
.
.
عمودون اوجالاندا یره گولگه سی دوشدی
آچوخ باشه دگنده هوایه سسی دوشدی
یره شیر خدانون جگرگوشه سی دوشدی
گورنلر دئدی آتدان که قان لخته سی دوشدی
دونوب باخدی یر اوسته قلم قولارا عبّاس
.
.
ایکی قولّارین آچدی خانم حضرت زهرا
دئدی گل بالا عبّاس اوزون زحمته سالما
گتور قوی سینم اوسته یوزون تپراقا قویما
حسینه عجب ائتدون بو گون خدمتون ایفا
دونوب باخدی یر اوسته قلم قولارا عبّاس
.
.
یومولدی او جنابون گوزی غنچه مثالی
قان آلتیندا شقایق کیمین صورت آلی
هانی قدرت نقاش چکه بیر ائله حالی
گوزون آچدی دوشنده یادا اهل و عیالی
دونوب باخدی یر اوسته قلم قولارا عبّاس
.
.
#عباسیه_یحیوی_اردبیلی
#عباسیه_شهادت
#گوروب_دل_یاراسندان_دوباره_یارا_عباس
#ترکی
.  
✍️ #زبدةالاشعار ✍️  
.  
🆔: @nohe_torki