بصیرت عاشورائی
#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
علیرضا عباسی (احسان تبریزی)
.
عالم امکانه عزت سن وئریبسن یا حسین
کل مخلوقه شرافت سن وئریبسن یا حسین
گلشن عشقه طراوت سن وئریبسن یا حسین
دین اسلامه صلابت سن وئریبسن یا حسین
اهل عشقه استقامت سن وئریبسن یا حسین
.
.
گلمیب گلمز رشادتده سنین تک عالمه
سن شرف وئردین قیامینله بنی ادمه
اولماسیدون عزت انسان تاپاردی خاتمه
سن شهید اولدون اگر چه باتدی عالم ماتمه
نهضتونله دهره عبرت سن وئریبسن یا حسین
.
.
«الذین هاجروا و جاهدوا» آیاتینه
ایلدون مولا عمل اولدون سبب اثباتینه
فی سبیل الله وارین ویردین فدا حق ذاتینه
قانلی احرامیله چاتدون عشقوین میقاتینه
عشقه عالمده هویت سن وئریبسن یا حسین
.
.
عالم قالو بلاده امتحان ائتدی خدا
البلاءُ لِلوِلایه لا دیوبدی انبیا
پرچم سرخی گوتورسون اولمادی کیمسه رضا
پرچمی گوتدون بلایه هم دئدین دیلدن بلا
البلایه بیر رضایت سن وئریبسن یا حسین
.
.
دین دوشوب جاندان گوروبسن تازه بیر جان ایستیور
تازه دن جان وئرمگه اول پیکره قان ایستیور
یعنی یئتمش بیر نفر فرزانه قربان ایستیور
ئوز قانین شیرازه بند او لماقه قران ایستیور
قانله قرانه قوت سن وئریبسن یا حسین
.
.
ناخدای کشتی حق نوح ال مصطفا
جان ختم الا نبیا روح علی المرتضا
سن فنا فی الله اولوب بو مکتبه وئردین بقا
قید ظلم و فتنه دن تا شیعه نی قیلدون رها
شیعه یه درس بصیرت سن وئریبسن یا حسین
.
.
قویمادون عالمده یاتسون سن هدایت پرچمی
ایلدون پاینده قالسون تا حقیقت پرچمی
قویمادون یاتسون جهاندا بو ولایت پرچمی
شیعیانه تک بو پرچمدی هویت پرچمی
قانلی پرچمدی امانت سن وئریبسن یا حسین
.
.
نهضتوندن درس الانلار دهریده فرزانه دی
اولماسا کیمده بصیرت مکتبه بیگانه دی
باش وئریب باش اگمدون عشقین سنین جانانه دی
هر نئیم وار دور دئدین فدیه ره قرانه دی
دین حقه دست نصرت سن وئریبسن یا حسین
.
.
کیم سنه دیل وئرسه سازش ائتمز استکباریلن
زندگی ائتمز جهاندا تحت استعماریلن
بی بصیرت لر یاشار دنیاده ننگ و عاریلن
سسلییر شیعه سنی اما دل بیداریلن
شیعه ده وار عالی رتبت سن وئریبسن یا حسین
.
.
دشمن ایستور بو جهاندان شیعه نین نسلین کسه
گل مثالی شیعه اولموش همنشین خار و خسه
اهل عشقه چون اَوَلدن کربلا دور مدرسه
درس حرّیت وئریبسن اگمیاخ باش هر کسه
شیعه وه درس رشادت سن وئریبسن یا حسین
.
.
#حسینیه_مدح
#عالم_امکانه_عزت_سن_وئریبسن_یا_حسین
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید