#حیدریه_شام_غریبان
شام غریبان حضرت امیرالمومنین علیه السلام
.
.
.
مرحوم خوندل
.
عالم خاکی نه علت وضع و منظور ایلدی
خاک تیره وجه وجه الهی مستور ایلدی
.
.
آشنای خاک اولان ساعت جمال بو تراب
خوابگاه شیر حقه ایتدی غبطه نه قباب
سس عوالمدن گلوب یا لیتنی کنت تراب
ظلمت خاکین علی ماهیتین نور ایلدی
.
.
انحراف ایتدی مدارینن بو چرخ کج مدار
کوفهنون توتدی فضاسین ظلمدن بیر ابر تار
هیکل توحیدی شرک محض ایدنده زخمدار
موج غم ملک دل عشاقی محصور ایلدی
.
.
قلبیدن فیاض مطلق فیضینه پابستیدی
پیش چشمنده عوالم بی نهایت پستیدی
سجده ده جام محبت ده اله سرمستیدی
شکر حقی خصمدن تا اولدی مقهور ایلدی
.
.
عرش حقه حقی وار فخر ایتسه صحرای نجف
اوردا دفن اولدی جهان عدل دنیای شرف
بیر بشر هر بیر صفات خالقیله متصف
خاک پایین توتیای دیده حور ایلدی
.
.
نفس پیغمبر اولوب واضحدی حل معضلات
حق ایدوب اما ولایت لفظینی شرط نجات
قبرده هر چند یاتدی تاپدی بیر دائم حیات
زنده جاوید آدین طغراده مسطور ایلدی
.
.
بوترابه اولدی آخر بستر راحت تراب
چهر خورشید ولایت آلدی توپراقدان نقاب
اوز طلوعیدن گرک شرمنده اولسون آفتاب
ماه عصمت قلبینی چوت غصه رنجور ایلدی
.
.
توپراق آلتیندا یاتان ساعت او جسم نازنین
دوتدی چوخ ناچیز رفعتده اوزین عرش برین
بیر یارالی فرق، بیر قانلی اورک سلطان دین
محضر دلداره الده تحفه منظور ایلدی
.
.
مرتضانی دفن ایدوب القصه اوغلی مجتبی
دودمانه ایتدیلر رجعت که دوتسونلار عزا
یولدا بیر ویرانه دن ناگه اوجالدی بیر نوا
مجتبانون روحینی بو ناله مسحور ایلدی
.
.
اولدولار ویرانیه داخل ایکی قارداش حزین
گوردیلر بیر پیر امادور مریض و مستکین
یوخدی گوز گورسون ولی بیر حسیله ایتدی یقین
بیر گلن وار غملی قلبین شاد و مسرور ایلدی
.
.
ایتدی فرمایش او پیره رافتیله مجتبی
کیم مواظبدور سنه بس کیم ورور آب و غذا
عرض ایدوب چوخ محترم بیر شخص بیر کان وفا
گلدی هر گون بو شکسته قلبی معمور ایلدی
.
.
بو گون اوچ گوندور ولی مندن ایدوب قطع نظر
نه گلور دیداریمه نه بو یره ایلور گذر
بولمورم ساغدور او مولا یا اُلوب یوخدور خبر
فیض وصلیندن من محرومی مخجور ایلدی
.
.
رقته گلدی او دمده حجت پروردگار
ایتدی فرمایش او اعمایه امام تاجدار
سویله واضح گر اوشخص سنده بیر آثاری وار
بو سئواله قلبیمی بیر امر مامور ایلدی
.
.
عرض ایدوب شاد ایلین وقته منی دیداریدن
من اونون تشریفون آنلاردیم همین آثاریدن
حس ایدردیم سس گلور واضح در و دیواردن
عالمی گوردوم او شه تعظیمه مجبور ایلدی
.
.
ایتدی فرمایش آتامیزدور او شاه تاجدار
اولدی باشدان بیر خطاکارین الیله زخمدار
ایندی دفنیندن اونون قورتولموشوق زار و فکار
دین و تقواسی اونی دنیاده مشهور ایلدی
.
.
« #خوندل» عرض ایلور که ای مولای معصوم و عطوف
سن که هر بیر خاطر آزرده دن آلدون لهوف
قیزلارون ویرانه لرده سسلینده یا رئوف
شامه گلماقدان سنی نه عذر معذور ایلدی
.
.
.
.
#حیدریه_شهادت
#عالم_خاکی_نه_علت_وضع_و_منظور_ایلدی
#ترکی
#زبدةالاشعار
نظر دهید