عالم خلقت گوزلی گوزلیم فاطمه #فاطمیه_مژده_اردبیلی

مدح و میلادیه حضرت زهرا سلام الله علیها
.
#زبدةالاشعار
.
: @nohe_torki
.
سبک :: باز هوای وطنم…
مژده اردبیلی
.
عالم خلقت گوزلی گوزلیم فاطمه
دفتر عشقین غزلی گوزلیم فاطمه
آى گوزللر گوزلی گوزلیم فاطمه
دفتر عشقین غزلی گوزلر فاطمه
.
.
باغ کمال و شرفین گل آلاله سی
گنج حیا و ادبین درّ صدساله سی
برگ گل اوسته اوتوران گوزومون ژاله سی
پیکریمه جان مثلی گوزلیم فاطمه
.
.
زیورباغ وچمن و دل وجانیم بالا
عالم بالاده کی نام و نشانیم بالا
مهرومحبت دولوسی شریانیم بالا
کندوی عشقین عسلى گوزلیم فاطمه
.
.
شاخه ی طوبی ثمری مه انور قیزیم
عالمه لطف ایتدی سنی حق داور قیزیم
کیم سنی محبوبه ی حق ایده باور قیزیم
سن تک اولار ایسته مه لى گوزلیم فاطمه
.
.
ایله دعا ای گوزلیم اگر امکان اولا
درد و ملاله بوگجه شب پایان اولا
جان خدیجه یرى وارسنه قربان اولا
هدیه ی ذات ازلی گوزلیم فاطمه
.
.
ایندیدن ای دخت نبی بیله قان آغلاما
سینه می تیر غمه ایتمه نشان آغلاما
دردیمی احساس ایدنیم نگران آغلاما
پیکر ایمانین الى گوزلیم فاطمه
.
.
شام ولادتدى قلم محن ایتمه رقم
گرچه ایاقدان سالاجاق قیزیمى درد و غم
#مژده نین اوّل کی سوزون گینه ایله رقم
دفتر عشقین غزلى گوزلیم فاطمه
.
.
.
#سبک_باز_هوای_وطنم
.
.
#فاطمیه_میلادیه
#عالم_خلقت_گوزلی_گوزلیم_فاطمه
#مژده_اردبیلی
#ترکی
.
#زبدةالاشعار
.
: @nohe_torki